കൊച്ചി ; കൊച്ചിയിലെ സ്വകാര്യബസുകൾക്ക് നിയന്ത്രണം ഏർപ്പെടുത്തി ഹൈക്കോടതി. കൊച്ചി നഗരപരിധിയിൽ സ്വകാര്യബസുകൾ ഹോൺമുഴക്കുന്നത് നിരോധിക്കണമെന്ന് ഹൈക്കോടതി നിർദ്ദേശിച്ചു. ഇത് സംബന്ധിച്ച് ഉത്തരവ് പുറപ്പെടുവിക്കാൻ സിറ്റി പോലീസ് കമ്മിഷണർക്കും മോട്ടോർ വാഹനവകുപ്പിനും നിർദ്ദേശം നൽകിയിട്ടുണ്ട്.
കൊച്ചിയിൽ ശബ്ദമലിനീകരണം ഉൾപ്പെടെ വർദ്ധിക്കുന്ന സാഹചര്യത്തിലാണ് ഹൈക്കോടതി നിയന്ത്രണം ഏർപ്പെടുത്തിയത്. ബസുകൾ ഓടിക്കുന്ന സംബന്ധിച്ചും മാർഗനിർദ്ദേശമുണ്ട്. സ്വകാര്യ ബസുകൾ റോഡിന്റെ ഇടതുവശം ചേർന്ന് പോകണം. ഓവർടേക്കിങ് പാടില്ല. ഓട്ടോറിക്ഷകൾക്കും ഈ നിയന്ത്രണം ബാധകമാക്കണമെന്നും സ്വകാര്യ ബസുകളുടെയും ഓട്ടോറിക്ഷകളുടെയും വേഗതയും നിയന്ത്രിക്കണമെന്നും ഹൈക്കോടതി വ്യക്തമാക്കി.
