ന്യൂഡൽഹി; വാഹനാപകടങ്ങൾ ഇന്ത്യയുടെ നിരത്തുകളിൽ പുതുമയല്ല. പക്ഷെ ഈ അപകടം സമൂഹമാദ്ധ്യമങ്ങളിൽ ചൂടൻ ചർച്ചയ്ക്ക് തിരികൊളുത്തിയിരിക്കുകയാണ്. വാഹനം ഇടിച്ചത് മനുഷ്യരെയല്ലെന്നതാണ് ശ്രദ്ധേയം. കാടിറങ്ങി റോഡിലെത്തിയ ഒരു പുളളിപ്പുലി ഓടിയെത്തിയ കാറിന് അടിയിൽ പെടുകയായിരുന്നു.
This is what we are doing to our wildlife. It's a simple case of bad planning. More importantly we are building unsafe roads for citizens. @OfficeOfNG @MORTHIndia @MORTHRoadSafety @nitin_gadkari @RoadkillsIndia
Warning: Gruesome video…source social media#roadkills pic.twitter.com/dwls5tdzp8— Milind Pariwakam 🇮🇳 (@MilindPariwakam) June 20, 2022
പുലിയെ ഇടിച്ച ഉടനെ തന്നെ ഡ്രൈവർ കാർ നിർത്തിയതിനാൽ ജീവന് അപകടമുണ്ടായില്ല. പക്ഷെ കാറിന്റെ ബോണറ്റിൽ പുലി കുടുങ്ങിപ്പോയി. ശരീരത്തിന്റെ പിൻകാലുകൾ ഉൾപ്പെടെ പുലിയുടെ പകുതിഭാഗം കാറിന്റെ ബോണറ്റിലും മുൻഭാഗത്തെ ടയറിനിടയിലും കുടുങ്ങി. ഇതോടെ പുറത്തുകടക്കാനാകാതെ പുലിയും കൺഫ്യൂഷനിലായി. എതിർദിശയിൽ പോയ ട്രക്ക് ഡ്രൈവർ നൽകിയ നിർദ്ദേശപ്രകാരം കാറിന്റെ ഡ്രൈവർ വാഹനം അൽപം പിന്നോട്ട് എടുത്തതോടെയാണ് പുലിക്ക് രക്ഷപെടാൻ സാധിച്ചത്.
Prayers for this beautiful leopard… hope he survives,even though he’s badly wounded , he escapes into the jungle . @WildLense_India I hope our politicians wake to the fact that linear development can happen hand in hand with well thought of conservation methods. pic.twitter.com/KbdhgRoaZS
— Raveena Tandon (@TandonRaveena) June 20, 2022
വാഹനത്തിന്റെ അടിയിലായിരുന്ന പുലിയുടെ വാൽഭാഗത്തും ശരീരത്തും ഗുരുതരമായ പരിക്കേറ്റതായാണ് നിഗമനം. വാഹനത്തിന്റെ അടിയിൽ നിന്ന് പുറത്തെത്തിയതോടേ മുറിവിന്റെ വേദന മറന്ന് തിരിച്ചുകിട്ടിയ ജീവനും കൊണ്ട് പുലി കാട്ടിലേക്ക്് ഓടിപ്പോകുന്നതും വീഡിയോ ദൃശ്യങ്ങളിൽ കാണാം.
ഗതാഗത മന്ത്രാലയത്തെയും ഗതാഗത വകുപ്പ് മന്ത്രി നിതിൻ ഗഡ്ക്കരിയെയും ഒക്കെ ടാഗ് ചെയ്ത് ട്വിറ്ററിൽ ഈ ദൃശ്യങ്ങൾ പ്രചരിക്കുന്നുണ്ട്. വനമേഖലയിൽ വന്യജീവികളുടെ സൈ്വര്യ സഞ്ചാരത്തിന് വഴിയൊരുക്കണമെന്ന ആവശ്യത്തോടെയും ദൃശ്യങ്ങൾ പങ്കുവെയ്ക്കുന്നുണ്ട്. അലക്ഷ്യമായ ഡ്രൈവിങ് ആണ് അപകടത്തിന് ഇടയാക്കിയതെന്ന കുറ്റപ്പെടുത്തലുകളും കുറവല്ല. നമ്മുടെ റോഡിന്റെ പൊതു അവസ്ഥയാണിതെന്ന് പഴിചാരുന്നവരും കൂട്ടത്തിലുണ്ട്.
Comments