അഹമ്മദാബാദ്: പ്രധാനമന്ത്രി നരേന്ദ്ര മോദി അധികാരത്തിലേറിയതിന് ശേഷം ഇന്ത്യയുടെ സാംസ്കാരിക വളര്ച്ചയില് പെട്ടെന്ന് തന്നെ ഉയര്ച്ച ഉണ്ടായെന്ന് ഗുജറാത്ത് മുഖ്യമന്ത്രി ഭൂപേന്ദ്ര പട്ടേല്.സംസ്ഥാനങ്ങളിലെ യുവജനകാര്യ മന്ത്രിമാരുമായി നടത്തിയ ദേശീയ കോണ്ഫറന്സിലാണ് ഇക്കാര്യം വ്യക്തമാക്കിയത്. രാജ്യത്തിന്റെ നാനത്വത്തില് ഏകത്വം ചിത്രീകരിക്കാന് കഴിയുന്ന മാദ്ധ്യമം കായികം ആണെന്നും അദ്ദേഹം കൂട്ടിച്ചേര്ത്തു.
സ്വാതന്ത്ര്യത്തിന് ശേഷം കായികവികസനത്തിന് വേണ്ടത്ര പ്രാധാന്യം കൊടുത്തിരുന്നില്ല.ഈ മേഖലയില് വേണ്ടത്ര മുന്നേറ്റം സൃഷ്ടിക്കാനും കഴിഞ്ഞില്ല. എന്നാല് നരേന്ദ്ര മോദിയുടെ വരവോടെ മാറ്റം സൃഷ്ടിക്കാനായെന്നു പട്ടേല് വ്യക്തമാക്കി. കായികവികസനം ലക്ഷ്യമിട്ട് 2010ല് യുവാക്കള്ക്കായി ഖേല് മഹാകുംഭ് പരിശീലന പരിപാടി സംഘടിപ്പിച്ചിരുന്നു. അടുത്ത വികസനത്തിന് ഒരുങ്ങുകയാണ് ‘ഗുജറാത്ത് സ്പോര്ട്സ് പോളിസി’യിലൂടെ സംസ്ഥാനം.
കായിക മേഖലയോടുള്ള മനോഭാവം മാറുന്നതായി അദ്ദേഹം പറഞ്ഞു. രാജ്യത്ത് ആദ്യമായാണ് ഇത്തരത്തിലൊരു ചര്ച്ച സംഘടിപ്പിക്കുന്നതെന്നും ഭാവിയില് ഈ മേഖലയില് വികസനമുണ്ടാവുമെന്നും പറഞ്ഞു.
Comments