ജയ്പൂർ : ഉദയ്പൂരിൽ ഹിന്ദു യുവാവിനെ കഴുത്തറുത്ത് കൊന്ന മതതീവ്രവാദികളെ കൂട്ടത്തോടെ ആക്രമിച്ച് രോഷാകുലരായ നാട്ടുകാർ. കനയ്യലാലിനെ കഴുത്തറുത്ത് കൊന്ന കേസിലെ പ്രതികളായ റിയാസ് അക്താരിയ്ക്കും ഗൗസ് മുഹമ്മദിനും നേരെയാണ് ആക്രമണം ഉണ്ടായത്. പ്രത്യേക എൻഐഎ കോടതിക്ക് മുന്നിൽ വെച്ചായിരുന്നു സംഭവം.
കേസിൽ പ്രതികളെ 10 ദിവസത്തെ എൻഐഎ കസ്റ്റഡിയിൽ വിട്ടുകൊടുക്കാൻ കോടതി നിർദ്ദേശിച്ചു. തുടർന്ന് പോലീസ് ഇവരെ പുറത്തേക്ക് കൊണ്ടുവരുന്നതിനിടെയാണ് ആക്രമണം നടന്നത്. പ്രതികളുടെ ചുറ്റിനും വലയം തീർത്താണ് പോലീസ് ഇവരെ കോടതിക്ക് മുന്നിലെത്തിച്ചത് എങ്കിലും നാട്ടുകാരും അഭിഭാഷകരും ചേർന്ന് മതതീവ്രവാദികളെ മർദ്ദിക്കുകയായിരുന്നു.
#WATCH | Udaipur murder incident: Accused attacked by an angry crowd of people while being escorted by police outside the premises of NIA court in Jaipur
All the four accused were sent to 10-day remand to NIA by the NIA court, today pic.twitter.com/1TRWRWO53Z
— ANI MP/CG/Rajasthan (@ANI_MP_CG_RJ) July 2, 2022
രോഷാകുലരായ നാട്ടുകാരെ തടുക്കാൻ പോലീസ് സേനയ്ക്കായില്ല. ഇവരെ നാട്ടുകാർ കയ്യേറ്റം ചെയ്തു. പരിസരത്തുണ്ടായിരുന്ന അഭിഭാഷകർ പാകിസ്താൻ മുർദാബാദ്, പ്രതികളെ തൂക്കിലേറ്റുക തുടങ്ങിയ മുദ്രാവാക്യങ്ങളും ഉയർത്തി. പ്രതികളെ എൻകൗണ്ടറിലൂടെ വെടിവെച്ചുകൊല്ലണമെന്നും അവർ പോലീസിനോട് ആവശ്യപ്പെട്ടു. നാല് പ്രതികളെയും പോലീസ് വാനിനുള്ളിലേക്ക് തള്ളിയിട്ടാണ് രക്ഷപ്പെടുത്തിയത്.
