സംഭൽ: ഹിന്ദു ദൈവങ്ങളുടെ ചിത്രങ്ങളിൽ കോഴിയിറച്ചി പൊതിഞ്ഞു കൊടുത്ത സംഭവത്തിൽ ഒരാൾ അറസ്റ്റിൽ. ഉത്തർപ്രദേശിലെ സംഭലിലാണ് സംഭവം. കോഴിയിറച്ചി കടയുടെ നടത്തിപ്പുകാരനായ താലിബ് ഹുസൈൻ എന്നയാളാണ് അറസ്റ്റിലായിരിക്കുന്നത്. മതവികാരം വ്രണപ്പെടുത്തിയതിനാണ് ഇയാൾക്കെതിരെ കേസെടുത്തത്. തുടർന്ന് അറസ്റ്റ് ചെയ്യാൻ എത്തിയ പോലീസുകാരെ ഇയാൾ കത്തി ഉപയോഗിച്ച് ആക്രമിക്കുകയും ചെയ്തു. തുടർന്ന് മൽപ്പിടുത്തത്തിലൂടെയാണ് ഇയാളെ കീഴടക്കിയത്.
ഹിന്ദു ദൈവങ്ങളുടെ ചിത്രത്തിൽ ഇയാൾ ഇറച്ചി പൊതിഞ്ഞ് കൊടുക്കുന്നത് ശ്രദ്ധയിൽ പെട്ടവരാണ് പോലീസിൽ പരാതി നൽകിയത്. സംഭവം അന്വേഷിക്കുന്നതിനായി പോലീസ് സംഘം കടയിൽ എത്തിയപ്പോഴാണ് ഇയാൾ കത്തിയെടുത്ത് ആക്രമിച്ചത്.
സാമുദായിക സംഘർഷത്തിന് ശ്രമിച്ചതിനും മതവികാരം വ്രണപ്പെടുത്തിയതിനും കൊലപാതകശ്രമത്തിനുമാണ് ഇയാൾക്കെതിരെ കേസ് എടുത്തിരിക്കുന്നത്. സംഭവത്തിൽ വിശദമായ അന്വേഷണം പുരോഗമിക്കുകയാണെന്ന് പോലീസ് അറിയിച്ചു.
Comments