ബംഗളൂരു: കർണാടകയിൽ ബിജെപി നേതാവിന് നേരെ ഇസ്ലാമിക തീവ്രവാദികളുടെ ആക്രമണം. ബിജെപി ശിവമോഗ വാർഡ് പ്രസിഡന്റ് കന്ദരാജുവിന് നേരെയാണ് ആക്രമണം ഉണ്ടായത്. ആക്രമണത്തിൽ ഗുരുതരമായി പരിക്കേറ്റ അദ്ദേഹത്തെ ആശുപത്രിയിൽ പ്രവേശിപ്പിച്ചു.
രാജീവ് ഗാന്ധി കോളനിയിൽവെച്ചായിരുന്നു സംഭവം. സുഹൃത്തുക്കളുമൊത്ത് സംസാരിക്കുന്നതിനിടെയാണ് കന്ദരാജുവിന് നേരെ ആക്രമണം ഉണ്ടായത്. മാരകായുധങ്ങളുമായി എത്തിയ സംഘം അദ്ദേഹത്തെ അടിച്ച് വീഴ്ത്തുകയായിരുന്നു. രാജീവ് ഗാന്ധി കോളനിയിലുള്ളവർ തന്നെയാണ് കന്ദരാജുവിനെ ആക്രമിച്ചത് എന്നാണ് വിവരം.
ബജ്രംഗ്ദൾ നേതാവ് ഹർഷയുടെ കൊലപാതകവുമായി ബന്ധപ്പെട്ട് ഇസ്ലാമിക തീവ്രവാദികൾക്കെതിരെ നടന്ന പ്രതിഷേധ പ്രകടനങ്ങളിൽ കന്ദരാജുവും സജീവമായി പങ്കെടുത്തിരുന്നു. ഇതിലുള്ള പകയാണ് ആക്രമണം എന്നാണ് സംശയിക്കുന്നത്. സംഭവത്തിൽ കോട്ടേ പോലീസ് കേസ് എടുത്തിട്ടുണ്ട്.
ആക്രമണത്തിൽകന്ദരാജുവിന്റെ ഇരു കൈകൾക്കും സാരമായി പരിക്കേറ്റിട്ടുണ്ട്. അക്രമി സംഘത്തിൽ അഞ്ച് പേർ ഉൾപ്പെട്ടിട്ടുണ്ടെന്നാണ് വിവരം. ഇതിൽ രണ്ട് പേരെ തിരിച്ചറിഞ്ഞിട്ടുണ്ട്. സംഭവ ശേഷം പ്രതികൾ ഒളിവിലാണ്.
Comments