രാജ്യത്ത് കഴിഞ്ഞ 24 മണിക്കൂറിനിടെ 20,139 പേർക്ക് കൊറോണ സ്ഥിരീകരിച്ചു. 38 മരണങ്ങൾ കൂടി സ്ഥിരീകരിച്ചതോടെ ആകെ മരണം 5,25,557 ആയി ഉയർന്നു. ആകെ രോഗബാധിതരുടെ എണ്ണം 4,36,89,989 ആയി.
അതേസമയം ഇന്നലെ 16,482 പേർ രോഗമുക്തി നേടി. കേന്ദ്ര ആരോഗ്യ മന്ത്രാലയത്തിന്റെ കണക്കുകൾ പ്രകാരം സജീവ കേസുകൾ 1,36,076 ആയി ഉയർന്നു. മൊത്തം അണുബാധകളുടെ 0.30 ശതമാനവും സജീവ കേസുകളാണ്. 24 മണിക്കൂറിനുള്ളിൽ 3,619 കേസുകളുടെ വർധനവാണ് രേഖപ്പെടുത്തിയിരിക്കുന്നത്.
മൊത്തം 4,30,28,356 പേർ ഇതുവരെ രോഗത്തിൽ നിന്നും മുക്തി നേടി. ദേശീയ കൊറോണ വീണ്ടെടുക്കൽ നിരക്ക് 98.50 ശതമാനമാണെന്നും മന്ത്രാലയം വ്യക്തമാക്കി. കഴിഞ്ഞ ദിവസം 3,94,774 ടെസ്റ്റുകളാണ് നടത്തിയത്. പ്രതിദിന പോസിറ്റിവിറ്റി നിരക്ക് 5.10 ശതമാനവും പ്രതിവാര പോസിറ്റിവിറ്റി നിരക്ക് 4.37 ശതമാനവുമാണ്.
അതേസമയം ആരോഗ്യവകുപ്പിന്റെ കണക്കുകൾ പ്രകാരം ഡൽഹിയിൽ കഴിഞ്ഞ 24 മണിക്കൂറിനുള്ളിൽ 490 കൊറോണ കേസുകൾ റിപ്പോർട്ട് ചെയ്യുകയും മൂന്ന് പേർ മരിക്കുകയും ചെയ്തു. നിലവിൽ മരണനിരക്ക് 1.35 ശതമാനമാണ്. നിലവിൽ മന്ത്രാലയത്തിന്റെ കണക്കനുസരിച്ച്, രാജ്യവ്യാപകമായി വാക്സിനേഷൻ ഡ്രൈവിന് കീഴിൽ ഇതുവരെ 199.27 കോടി ഡോസ് വാക്സിനാണ് രാജ്യത്ത് നൽകിയിട്ടുള്ളത്.
