ന്യൂഡൽഹി: അച്ഛനെ തല്ലിയ യുവാവിനെ വെടിവെച്ച് വീഴ്ത്തി മകൻ. സംഭവത്തിൽ ഉൾപ്പെട്ട മകനെയും സുഹൃത്തുക്കളെയും പോലീസ് പിടികൂടി. പ്രായപൂർത്തിയാകാത്ത നാല് ആൺകുട്ടികളാണ് പോലീസിൽ പിടിയിലായത്.
ഇന്നലെയായിരുന്നു ഡൽഹിയിലെ ജഹാംഗീർപുരിയിൽ യുവാവിനെ ഒരു കൂട്ടം കുട്ടികൾ ചേർന്ന് വെടിവെച്ചത്. ആക്രമണത്തിൽ 36-കാരനായ യുവാവിന്റെ മുഖത്ത് ഗുരുതരമായി പരിക്കേറ്റു. സംഭവത്തിന്റെ സിസിടിവി ദൃശ്യങ്ങൾ പുറത്തുവന്നിരുന്നു.
#WATCH | Delhi: 4 minor boys apprehended for firing at a man in Jahangirpuri on 15th July. The man has been hospitalised. Case u/s 307 IPC registered. Accused say that the man had beaten up father of one of the minors 7 months back & they had come to take revenge.
(Source: CCTV) pic.twitter.com/Icl2i4x3LN
— ANI (@ANI) July 16, 2022
വെടിവെച്ച കുട്ടിയുടെ അച്ഛനെ ഏഴ് മാസം മുമ്പ് യുവാവ് മർദ്ദിച്ചിരുന്നു. ഇതിന് പ്രതികാരം തീർക്കാനാണ് മാസങ്ങൾക്ക് ശേഷം മകനും സുഹൃത്തുക്കളും ചേർന്ന് ആക്രമണം നടത്തിയത്. യുവാവിന്റെ വലതുകണ്ണിലൂടെയായിരുന്നു ബുള്ളറ്റ് പാഞ്ഞുകയറിയതെന്ന് ഡോക്ടർമാർ അറിയിച്ചു. നിലവിൽ യുവാവിന്റെ ആരോഗ്യനില തൃപ്തികരമാണ്.
സിസിടിവി ദൃശ്യങ്ങളിൽ യുവാവിന് സമീപം കുട്ടികൾ എത്തുന്നതും പെട്ടെന്ന് തോക്കെടുത്ത് മുഖത്തേക്ക് വെടിവെക്കുന്നതും വ്യക്തമാണ്. തൊട്ടുപിന്നാലെ കുട്ടികൾ ഓടിരക്ഷപ്പെടുകയാണ് ചെയ്യുന്നത്. കൊലപാതക ശ്രമത്തിനാണ് സംഭവത്തിൽ പോലീസ് കേസെടുത്തിരിക്കുന്നത്.
Comments