കാബൂൾ: അഫ്ഗാനിസ്താൻ തലസ്ഥാനമായ കാബൂളിൽ ടി20 മത്സരമായ ഷ്പാഗീസാ ലീഗ് നടക്കുന്നതിനിടെ ക്രിക്കറ്റ് സ്റ്റേഡിയത്തിനുള്ളിൽ സ്ഫോടനം നടന്നതായി റിപ്പോർട്ട്. സംഭവത്തിന്റെ ദൃശ്യങ്ങൾ പുറത്തുവന്നിട്ടുണ്ട്. കാണികൾ പരിഭ്രാന്തരായി ഓടുന്നത് ദൃശ്യങ്ങളിൽ കാണാം. ചാവേർ സ്ഫോടനമാണെന്നാണ് റിപ്പോർട്ടുകൾ സൂചിപ്പിക്കുന്നത്.
🚨#BREAKING: Eyewitnesses report explosion heard during match at a cricket stadium in #Kabul, #Afghanistan. pic.twitter.com/8ScdxhEA0D
— Breaking News 24/7 (@Worldsource24) July 29, 2022
പൊട്ടിത്തെറിയിൽ നാല് കാണികൾക്ക് പരിക്കേറ്റിട്ടുണ്ടെന്നാണ് പ്രാഥമിക വിവരം. സ്ഫോടനത്തിന് പിന്നാലെ കായികതാരങ്ങളെ സുരക്ഷിത സ്ഥാനത്തേക്ക് അധികൃതർ മാറ്റി. സ്ഫോടനത്തിന്റെ ഉത്തരവാദിത്വം ആരും ഇതുവരെ ഏറ്റെടുത്തിട്ടില്ല.
Footage : There have been casualties in the blast at the Kabul international cricket stadium. #Afghanistan pic.twitter.com/wM7qMsVDpR
— Abdulhaq Omeri (@AbdulhaqOmeri) July 29, 2022
കാബൂളിൽ സ്ഥിതിചെയ്യുന്ന അന്താരാഷ്ട്ര ക്രിക്കറ്റ് സ്റ്റേഡിയത്തിലാണ് സ്ഫോടനമുണ്ടായത്. 6000ത്തോളം പേർക്ക് ഗ്യാലറിയിൽ ഇരിക്കാവുന്ന ഈ സ്റ്റേഡിയം 2011ലായിരുന്നു തുറന്നത്. ഘാസി സ്റ്റേഡിയത്തിന് സമീപത്ത് തന്നെയാണ് ഈ സ്റ്റേഡിയവും സ്ഥിതിചെയ്യുന്നത്.
