ചെന്നൈ: പ്രതിരോധ മന്ത്രാലയത്തിന്റെ കീഴിലുള്ള പബ്ലിക്ക് റിലേഷൻസ് ഓഫീസിന്റെ ഔദ്യോഗിക ട്വിറ്റർ അക്കൗണ്ടിൽ വന്ന ഒരു ട്വീറ്റാണ് ഇപ്പോൾ വൈറലാകുന്നത്. ‘ഡിഫൻസ് പിആർഒ ചെന്നൈ’ എന്ന ട്വിറ്റർ പേജിലൂടെ ഒരമ്മയെയും മകനെയുമാണ് പ്രതിരോധ വകുപ്പ് പരിചയപ്പെടുത്തിയിരിക്കുന്നത്. ഇന്റർനെറ്റിൽ ഇരുവരും തരംഗമാകാൻ കാരണമിതാണ്..
വിരമിച്ച മേജർ സ്മിത ചതുർവേദി തന്റെ മകനോടൊപ്പം നിൽക്കുന്നതാണ് ചിത്രം. 27 വർഷങ്ങൾക്ക് മുമ്പ് സ്മിത പരിശീലനം പൂർത്തിയാക്കിയ അതേ അക്കാദമിയിൽ നിന്ന് തന്റെ മകനും സൈനിക പരിശീലനം പൂർത്തിയാക്കി എത്തി നിൽക്കുന്നു. 1995-ൽ ചെന്നൈയിലെ പരിശീലന അക്കാദമിയിൽ നിന്ന് സൈനിക സേവനത്തിന് ആരംഭം കുറിച്ചവളാണ് സ്മിത ചതുർവേദി. 27 വർഷങ്ങൾക്കിപ്പുറം അതേ അക്കാദമിയിൽ നിന്ന് തന്റെ പാത പിന്തുടർന്ന് നിൽക്കുന്ന മകനോടൊപ്പം അഭിമാനത്തോടെ നിൽക്കുന്ന സ്മിതയാണ് ചിത്രത്തിൽ.
വർഷങ്ങൾ പിന്നിട്ടപ്പോൾ അക്കാദമിയിൽ ഉൾപ്പെടെ വന്ന മാറ്റങ്ങളെക്കുറിച്ച് സ്മിത പ്രതികരിക്കുന്ന വീഡിയോയും ട്വിറ്ററിൽ പങ്കുവെച്ചിട്ടുണ്ട്. മകന്റെ ഈ നേട്ടത്തിൽ അഭിമാനമുണ്ടെന്നും അക്കാദമിയിൽ മകനോടൊപ്പം നിൽക്കുമ്പോൾ പഴയ സുവർണകാലത്തെ ഓർമ്മകൾ ഒന്നിന് പിറകെ ഒന്നായി എത്തുകയാണെന്നും സ്മിത പ്രതികരിച്ചു.
An old gem from the training days of Cadet Smita Chaturvedi pic.twitter.com/tt0XS66tDl
— Defence PRO Chennai (@Def_PRO_Chennai) July 30, 2022
അമ്മയുടേയും മകന്റെയും ചിത്രത്തിനോടൊപ്പം 27 വർഷങ്ങൾക്ക് മുമ്പുള്ള കേഡറ്റ് സ്മിതയുടെ ചിത്രവുമാണ് ട്വിറ്ററിൽ ജനഹൃദയങ്ങൾ കീഴടക്കിയത്. അഭിനന്ദനങ്ങളും ആശംസകളുമായി നിരവധി പേർ എത്തുകയും ചെയ്തു.
Maj Smita Chaturvedi(Retd) reminisces her old days of being a Cadet in the illustrious Academy and ecstatic about her son re-enacting the glorious script of joining Army like herself. @adgpi @artrac_ia @smritiirani @MinistryWCD @DefenceMinIndia @IaSouthern @PIB_India @DDNewslive pic.twitter.com/yoi7AoyVMq
— Defence PRO Chennai (@Def_PRO_Chennai) July 30, 2022
