പട്ന: എൻഡിഎ സംഖ്യം ബിഹാർ മുഖ്യമന്ത്രി നിതീഷ് കുമാറിനെതിരായ ആർജെഡി നേതാവ് ലാലു പ്രസാദ് യാദവിന്റെ പഴയ ട്വീറ്റുകൾ പങ്കുവെച്ച് കേന്ദ്രമന്ത്രി ഗിരിരാജ് സിംഗ്.
നിതീഷ് കുമാറിനെതിരെയുള്ള ലാലു പ്രസാദ് യാദവിന്റെ കടുത്ത ഭാഷയിലുള്ള വിമർശനങ്ങളാണ് കേന്ദ്രമന്ത്രി റീട്വീറ്റ് ചെയ്തത്. പാമ്പ് നിങ്ങളുടെ വീട്ടിൽ പ്രവേശിച്ചു എന്നാണ് ആർജെഡി നേതാവിന് കേന്ദ്രമന്ത്രി മുന്നറിയിപ്പ് നൽകിയത്.
നിതീഷ് കുമാറിന് രണ്ട് വർഷം കൂടുമ്പോൾ പുതിയ ചർമ്മമുണ്ട്. സംശയമുണ്ടോ? എന്ന ലാലു പ്രസാദിന്റെ ട്വീറ്റാണ് കേന്ദ്രമന്ത്രി പങ്കുവെച്ചിരിക്കുന്നത്. 2017 ൽ ബിജെപിയുമായി സഖ്യം ചേർന്നതിനെ വിമർശിച്ചായിരുന്നു ലാലുവിന്റെ ട്വീറ്റ്.
നിതീഷിനെതിരായ ലാലു പ്രസാദിന്റെ പൽതു റാം ( പക്ഷങ്ങൾ മാറി കൊണ്ടിരിക്കുന്ന ആൾ )എന്ന വൈറൽ ട്വീറ്റും കേന്ദ്രമന്ത്രി പങ്കുവെച്ചിരുന്നു. പ്രധാനമന്ത്രി സ്ഥാനം മോഹിച്ച് നിതീഷ് കുമാർ ജനവിധിയെ വഞ്ചിച്ചെന്ന് ബിജെപി ആരോപിച്ചു. തേജസ്വി യാദവിനെതിരായി അഴിമതി ആരോപണങ്ങൾ ശക്തമായതിന് പിന്നാലെയാണ് നിതീഷ് സഖ്യം വിട്ടത്.
Comments