ന്യൂഡൽഹി: രാജ്യമാകെ സ്വാതന്ത്ര്യദിനത്തെ വരവേൽക്കാനുള്ള തയ്യാറെടുപ്പിലാണ്. പ്രധാനമന്ത്രി നരേന്ദ്ര മോദിയുടെ അമ്മ ഹീരാ ബെന്നും പതാക ഉയർത്തി ഹർഘർ തിരംഗയുടെ ഭാഗമായി. 100 വയസ്സുള്ള അമ്മ പതാകയേന്തി ദേശസ്നേഹം പ്രകടിപ്പിക്കുന്നതിന്റെ വീഡിയോ സമൂഹമാദ്ധ്യമങ്ങളിൽ തരംഗമാണ്. ഗുജറാത്തിലെ അഹമ്മദാബാദിലെ വസതിയിലാണ് ഹിര ബെൻ പതാക ഉയർത്തിയത്. ഗ്രാമത്തിലെ കുട്ടികൾക്കൊപ്പമാണ് ഹിരാ ബെൻ സന്തോഷം ആഘോഷിച്ചത്. കുട്ടികൾക്ക് പതാകയും മധുര പലഹാരങ്ങളും വിതരണം ചെയ്തു.
Gandhinagar, Gujarat | Heeraben Modi, mother of Prime Minister Narendra Modi distributes national flag to children and hoists the tricolour as the #HarGharTiranga campaign begins today. pic.twitter.com/oFlFSCMCc6
— ANI (@ANI) August 13, 2022
നിരവധി കേന്ദ്രമന്ത്രിമാരും ബി.ജെ.പി നേതാക്കളും ഔദ്യോഗിക വസതികളിൽ ദേശീയ പതാക ഉയർത്തി. നേതാക്കൾ രാജ്യത്തുടനീളമുള്ള തിരംഗ റാലികളിൽ പങ്കെടുത്ത് തിരംഗ പ്രചാരണത്തിന് നേതൃത്വം നൽകി. കേന്ദ്രമന്ത്രി അമിത് ഷാ ന്യൂഡൽഹിയിലെ അദ്ദേഹത്തിന്റെ വസതിയിൽ ഭാര്യയോടൊപ്പം ദേശീയ പതാക ഉയർത്തിയപ്പോൾ വിദേശകാര്യ മന്ത്രി എസ് ജയശങ്കറും ശനിയാഴ്ച കർണാടകയിലെ ബെംഗളൂരുവിൽ പ്രഭാത് ഭേരി യാത്ര നയിച്ചു.അസം മുഖ്യമന്ത്രി ഹിമന്ത ബിശ്വ ശർമ്മയും സംസ്ഥാനത്ത് സംഘടിപ്പിച്ച പ്രഭാത് ഭേരി റാലിയിൽ പങ്കെടുത്തിരുന്നു. ഉത്തർപ്രദേശിലെ ആഘോഷങ്ങൾക്ക് ലക്നൗവിൽ മുഖ്യമന്ത്രി യോഗി ആദിത്യനാഥുമാണ് തുടക്കം കുറിച്ചത്. ദേശീയ പതാക ഉയർത്തി ക്യാമ്പയ്നിന്റെ ഭാഗമാകാൻ അദ്ദേഹം എല്ലാവരോടും നിർദ്ദേശിച്ചു.
കേന്ദ്രമന്ത്രി നിതിൻ ഗഡ്കരി, മഹാരാഷ്ട്ര ഉപമുഖ്യമന്ത്രി ദേവേന്ദ്ര ഫഡ്നാവിസ്, ഉത്തരാഖണ്ഡ് മുഖ്യമന്ത്രി പുഷ്കർ സിംഗ് ധാമി, ബിജെപി അധ്യക്ഷൻ ജെപി നദ്ദ തുടങ്ങിയ പ്രമുഖരും വിവിധ ഇടങ്ങളിലായി തിരംഗ റാലിയിൽ പങ്കെടുത്തു.
Comments