അവിണിശേരി: എംപി ഫണ്ടിൽ നിന്ന് തുക അനുവദിച്ച വികസന പദ്ധതികൾക്ക് അവിണിശേരിയിൽ തുടക്കം കുറിച്ച് സുരേഷ് ഗോപി. രാജ്യസഭാ എംപിയായിരിക്കെ അനുവദിച്ച പദ്ധതികൾക്കാണ് അദ്ദേഹം തുടക്കം കുറിച്ചത്. അവിണിശേരിയുടെ അടിസ്ഥാന സൗകര്യ വികസനത്തിൽ വലിയ മാറ്റം ഉണ്ടാക്കുന്ന കുടുംബാരോഗ്യ കേന്ദ്രത്തിന്റെ പുതിയ കെട്ടിടം ഉൾപ്പെടെയാണ് എംപി ഫണ്ടിലൂടെ യാഥാർത്ഥ്യമാകുക.
എംപി ഫണ്ടിൽനിന്ന്50 ലക്ഷം രൂപയാണ് പുതിയ കെട്ടിടത്തിനായി സുരേഷ് ഗോപി അനുവദിച്ചത്. പുതിയ കെട്ടിടത്തിന്റെ തറക്കല്ലിടൽ അദ്ദേഹം നിർവഹിച്ചു. എംപി ഫണ്ടിൽ നിന്ന് 27 ലക്ഷം രൂപ ചിലവഴിച്ച് ഒമ്പതാം വാർഡിൽ നിർമ്മിക്കുന്ന അങ്കണവാടി പകൽവീട് കെട്ടിടത്തിനും അദ്ദേഹം തറക്കല്ലിട്ടു
അവിണിശ്ശേരി ഗ്രാമപഞ്ചായത്തിലെ മൂന്ന് നാല് അഞ്ച് 11 12 വാർഡുകളിലെ മിനി മാസ്റ്റ് ലൈറ്റുകളുടെ സ്വിച്ച് ഓൺ കർമ്മവും അദ്ദേഹം നിർവഹിച്ചു. എംപി ഫണ്ടിൽനിന്ന് 25 ലക്ഷം രൂപയ്ക്ക് മിനി മാസ്റ്റ് ലൈറ്റുകൾ സ്ഥാപിച്ചത്. 10 മിനി മാസ്റ്റ് ലൈറ്റുകളാണ് സുരേഷ് ഗോപി അവിണിശ്ശേരിക്ക് നൽകിയത്.
Comments