ന്യൂഡൽഹി : ഇൻഫോസിസ് ഫൗണ്ടേഷൻ ചെയർ പേഴ്സണും ജീവകാരുണ്യ പ്രവർത്തകയുമായ സുധാ മൂർത്തിയുടെ ചിത്രങ്ങൾ വിവാദമാകുന്നു. മൈസൂർ രാജകുടുംബത്തിലെ അംഗങ്ങളുടെ മുന്നിൽ വണങ്ങുന്ന സുധാ മൂർത്തിയുടെ ചിത്രമാണിത്. 2019 ലേതാണ് ഈ ചിത്രം.
മൈസൂർ രാജകുടുംബാംഗമായ പ്രമോദ ദേവി വാെഡയാറിന് മുന്നിൽ സുധാ മൂർത്തി കുമ്പിടുന്നതായി കാണാം. പരേതനായ ശ്രീകണ്ഠദത്ത നരസിംഹരാജ വൊഡയാറുടെ ഭാര്യയാണ് പ്രമോദ ദേവി. നടി ബി.സരോജാദേവിയും ഇവർക്കൊപ്പം ഫ്രെയിമിൽ ഉണ്ട്. മൈസൂരിന്റെ അവസാനത്തെ ഭരണാധികാരിയായിരുന്ന ജയചാമരാജ വൊഡയാറുടെ ജന്മശതാബ്ദി ആഘോഷങ്ങളിൽ പങ്കെടുക്കാൻ സുധാ മൂർത്തിയെ ക്ഷണിച്ചിരുന്നു. ചിത്രം വീണ്ടും സമൂഹമാദ്ധ്യമങ്ങളിൽ പ്രചരിച്ചതോടെ വിമർശനവുമായി നിരവധി പേർ എത്തിയിട്ടുണ്ട്.
Sudha Murthy bowing before a member of the mysore royal family. She is supposed to be a role model.
Is this still a tradition of greeting the members of Royal family in India?
Or was it more like an action out of reverence or respect? pic.twitter.com/1xSedjLXXB
— Kamran (@CitizenKamran) September 26, 2022
ഈ കാലത്തും രാജകുടുംബത്തിന് മുന്നിൽ വണങ്ങുന്ന രീതിയെ പലരും വിമർശിച്ചപ്പോൾ, മറ്റുള്ളവർ ഇത് ബഹുമാനം പ്രകടിപ്പിക്കാനുള്ള ആംഗ്യമാണെന്ന് പറയുന്നു.
ഒരു മാതൃകയാകേണ്ട വ്യക്തിയാണ് സുധാ മൂർത്തിയെന്നും അവർ രാജകുടുംബാംഗങ്ങളുടെ മുന്നിൽ വണങ്ങാൻ പാടില്ലെന്നും ആളുകൾ ആവശ്യപ്പെടുന്നുണ്ട്. എന്നാൽ സുധാ മൂർത്തിയുടെ ഈ പ്രവൃത്തി രാജ്യത്തെ എല്ലാവർക്കും മാതൃകയാവും എന്നാണ് വിലയിരുത്തൽ.
Comments