ആപ്പിൾ എല്ലാവർക്കും ഇഷ്ടമുള്ള ഒരു പഴമാണ്. ദിവസേന ഒരു ആപ്പിൾ കഴിച്ചാൽ ഡോക്ടർമാരെ അകറ്റി നിർത്താമെന്നൊരു ചൊല്ലും നമുക്കിടയിലുണ്ട്. അത്രയേറെ പോഷകസമ്പന്നമാണ് ആപ്പിൾ. എന്നാൽ ഈ അടുത്ത കാലത്ത് മലയാളികളുടെ ഇഷ്ടം പിടിച്ചുപറ്റിയ മൊറ്റൊരു പഴമാണ് ഗ്രീൻ ആപ്പിൾ. എന്താണിതിന് കാരണം.. ചുവന്ന ആപ്പിളിൽ നിന്ന് വ്യത്യസ്തമായി പല അധിക ഗുണങ്ങളും ഗ്രീൻ ആപ്പിളിനുണ്ട്. അത് എന്തെല്ലാമാണെന്ന് നോക്കാം..
പ്രമേഹത്തിനുള്ള സാധ്യത കുറവാണ്: ഗ്രീൻ ആപ്പിളിൽ ഫൈബർ അടങ്ങിയിട്ടുണ്ട്. ചുവന്ന ആപ്പിളിനേക്കാൾ അൽപം കൂടുതലായാണ് ഗ്രീൻ ആപ്പിളിൽ ഫൈബർ ഉള്ളത്. പ്രമേഹരോഗികളിൽ രക്തത്തിലെ പഞ്ചസാരയുടെ അളവിനെ ഇത് നിയന്ത്രിക്കുന്നു.
കുടലിനെ ആരോഗ്യമുള്ളതാക്കുന്നു: ഗ്രീൻ ആപ്പിളിൽ പെക്റ്റിൻ എന്ന ഘടകം അടങ്ങിയിട്ടുണ്ട്. ഇത് ഒരു ആന്റിബയോട്ടിക്കായി പ്രവർത്തിക്കുന്നു. കുടലിലെ നല്ല ബാക്ടീരിയകളെ ഇത് പോഷിപ്പിക്കുന്നു.
ആസ്തമയെ കൈകാര്യം ചെയ്യുന്നു: ഗ്രീൻ ആപ്പിളിലെ ഫൈറ്റോകെമിക്കലുകൾക്കും പോളിഫെനോളുകൾക്കും രോഗങ്ങൾ മാറുന്നതിന് സഹായിക്കും. ഇത് ആസ്തമ രോഗികൾക്കും ശ്വസന പ്രശ്നങ്ങൾ ഉള്ളവർക്കും ഗുണം ചെയ്യും. ഈ ആന്റിഓക്സിഡന്റുകൾ ശ്വാസകോശത്തിന്റെ പ്രവർത്തനങ്ങളെ മെച്ചപ്പെടുത്താൻ സഹായിക്കുകയും ചെയ്യും.
ചർമ്മത്തെ പോഷിപ്പിക്കുന്നു: വിറ്റാമിനുകളാലും ധാതുക്കളാലും സമ്പുഷ്ടമായ ഗ്രീൻ ആപ്പിളിന് ചർമ്മത്തെ പോഷിപ്പിക്കാനും നിറം മെച്ചപ്പെടുത്താനും കഴിയും.
Comments