ഖത്തർ ലോകകപ്പ് വാർത്തകൾക്കൊപ്പം ചർച്ചയായ ഒന്നാണ് ബിയർ. കാരണം അറബ് രാഷ്ട്രമായ ഖത്തറിൽ ലോകകപ്പ് നടക്കുന്ന സ്റ്റേഡിയത്തിലും പരിസര പ്രദേശങ്ങളിലും മദ്യം ലഭ്യമല്ലെന്നതു തന്നെയാണ് കാരണം. 2022 ഫിഫ ലോകകപ്പിലെ ഉദ്ഘാടന മത്സരത്തിന് അൽ ബെയ്ത്ത് സ്റ്റേഡിയം വേദിയായപ്പോൾ വീണ്ടും ബിയർ ആവശ്യം ചർച്ചയായിരിക്കുകയാണ്.
ഞായറാഴ്ച വൈകിട്ട് നടന്ന ആദ്യ മത്സരത്തിൽ ഖത്തറിനെതിരെ തകർപ്പൻ ജയമാണ് ഇക്വഡോർ നേടിയത്. 2-0 ത്തിന് ഖത്തറിനെ പരാജയപ്പെടുത്താൻ ഇക്വഡോർ പടയ്ക്ക് കഴിഞ്ഞു. ആവേശത്തിന്റെ കൊടുമുടിയിലെത്തിയ ഇക്വഡോർ ആരാധകർ ഇതോടെ ബിയർ വേണമെന്ന ആവശ്യമാണ് ഉന്നയിച്ചത്.
70,000ത്തിലധികം കാണികൾ അടങ്ങുന്ന സ്റ്റേഡിയത്തിന്റെ ഒരു വശത്ത് നിന്നും ‘വീ വാണ്ട് ബിയർ’ എന്ന മുദ്രാവാക്യം മുഴങ്ങാൻ തുടങ്ങി. ഞങ്ങൾക്ക് ബിയർ വേണമെന്ന് ഉറക്കെ ഉറക്കെ വിളിച്ചുപറഞ്ഞായിരുന്നു വലിയ കൂട്ടം ഇക്വഡോർ ആരാധകർ വിജയത്തെ ആഘോഷിച്ചത്. ഖത്തറിലെ ഫിഫ ലോകകപ്പ് സംഘാടകർ മദ്യം വിൽക്കുന്നത് നിരോധിച്ച സാഹചര്യത്തിലായിരുന്നു ഈ മുറവിളി. സംഭവത്തിന്റെ വീഡിയോ ദൃശ്യങ്ങളും ഇതിനോടകം വൈറലായി.
കാണികളിൽ ഭൂരിഭാഗം ജനങ്ങളും ഖത്തർ സ്വദേശികളായിരുന്നു. ആദ്യ മത്സരത്തിൽ വിജയം പ്രതീക്ഷിച്ച് എത്തിയ പതിനായിരക്കണക്കിന് ഖത്തർ ആരാധകർക്ക് വലിയ തിരിച്ചടിയായിരുന്നു ഉദ്ഘാടന മത്സരം. ഇക്വഡോറിന് വേണ്ടി രണ്ടുതവണ വലൻസിയ ഗോളടിച്ചതോടെ ഉദ്ഘാടന മത്സരത്തിൽ തോറ്റ ആദ്യത്തെ ആതിഥേയ രാജ്യമായി മാറുകയായിരുന്നു ഖത്തർ. ഇതിനിടെയാണ് ഒരുവശത്ത് നിന്നും ഇക്വഡോർ ആരാധകരുടെ ഞങ്ങൾക്ക് ബിയർ വേണമെന്ന ആവശ്യം സ്റ്റേഡിയത്തിലാകെ മുഴങ്ങിക്കേട്ടത്..
വീഡിയോ ദൃശ്യങ്ങൾ കാണാം..
Ecuador fans: "We want beer, we want beer!" LMAOOOOOO pic.twitter.com/kOa6nXSD03
— M•A•J (@Ultra_Suristic) November 20, 2022
