സമൂഹമാദ്ധ്യമങ്ങൾ വീഡിയോകളുടെ കേന്ദ്രമാണല്ലോ, നിരവധി അനവധി വീഡിയോകളും ചിത്രങ്ങളുമാണ് ഒരു ദിവസം കൊണ്ട് തന്നെ വൈറലാകുന്നത്. ഇത്തരത്തിൽ ഒരു വീഡിയോയാണ് സൈബർ ലോകത്ത് വൈറലായിരിക്കുന്നത്.
കെനിയൻ മാദ്ധ്യമ പ്രവർത്തകൻ വാർത്ത റിപ്പോർട്ട് ചെയ്യാനെത്തിയ വേളയിൽ തടസ്സപ്പെടുത്തുന്ന ആനകുട്ടിയാണ് താരം. മനുഷ്യന്റെ പ്രവൃത്തികൾ ആനകളെയും കാടിനെയും എങ്ങനെ ബാധിക്കുന്നുവെന്ന് റിപ്പോർട്ട് ചെയ്യാനെത്തിയതാണ് കെനിയൻ റിപ്പോർട്ടറായ ആൽവിൻ കൗണ്ട. ഇതിനിടയിലാണ് തവിട്ടുനിറത്തിലുള്ള തുമ്പിക്കൈയുടെ അറ്റം കൗണ്ടയുടെ ചെവിയ്ക്ക് പിന്നിലായി ദൃശ്യമാകുന്നത്. പിന്നീട് മുഖത്തേക്കും തുമ്പിക്കൈ എത്തിച്ച് തലോടുന്നതായാണ് വീഡിയോയിൽ കാണിക്കുന്നത്.
അപ്രതീക്ഷിതമായി ചെവിയ്ക്ക് പിറകിൽ അനക്കം ഉണ്ടായതിൽ റിപ്പോർട്ടർ ആദ്യം അസ്വസ്ഥനായി. എന്നാൽ തമ്പിക്കൈ മുഖത്തെത്തിയതോടെ ചിരി പരന്നു.
Baby elephant interrupts a TV Reporter in Kenya. pic.twitter.com/LTPsxKLlKj
— Africa Facts Zone (@AfricaFactsZone) November 15, 2022
സംഭവത്തിന്റെ വീഡിയോ വൈറലായതിന് പിന്നാലെ നിരവധി ഉപയോക്താക്കളാണ് കമന്റുകളുമായെത്തിയത്. പ്രകോപനം സൃഷ്ടിക്കാതെ സംയമനം പാലിക്കാനുള്ള കൗണ്ടയുടെ കഴിവിനെയാണ് ഭൂരിഭാഗം ആളുകളും പ്രശംസിച്ചത്.
Comments