ബംഗലൂരു: വീഡിയോ കോൾ ദൃശ്യങ്ങൾ കാട്ടി ഭീഷണിപ്പെടുത്തി പ്രായപൂർത്തിയാകാത്ത പെൺകുട്ടിയെ പീഡിപ്പിച്ച് അശ്ലീല വീഡിയോ നിർമ്മിച്ച കേസിൽ പ്രതി അറസ്റ്റിൽ. മാണ്ഡ്യ സ്വദേശി യൂനുസ് പാഷ എന്ന 25 വയസ്സുകാരനാണ് കർണാടക പോലീസിന്റെ പിടിയിലായത്.
വിവാഹിതനായ പാഷ, പെൺകുട്ടിയുമായി സൗഹൃദം സ്ഥാപിച്ച ശേഷം കുട്ടിക്ക് ഫോൺ വാങ്ങി നൽകി. ഇതിലൂടെ സംസാരിച്ച് തുടങ്ങിയ ഇവർ പിന്നീട് വീഡിയോ കോളുകൾ ചെയ്യാൻ ആരംഭിച്ചു. പെൺകുട്ടിയുടെ സ്വകാര്യ ദൃശ്യങ്ങൾ ആവശ്യപ്പെട്ട പ്രതി, ഇവ ഫോണിൽ റെക്കോർഡ് ചെയ്ത് സൂക്ഷിച്ചു.
മുത്തശ്ശിയും പെൺകുട്ടിയും മാത്രമുള്ള സമയത്ത് വീട്ടിലെത്തിയ പാഷ, കൊണ്ടു വന്ന ഉറക്ക ഗുളിക പെൺകുട്ടിയെ കൊണ്ട് നിർബന്ധിച്ച് മുത്തശ്ശിക്ക് കൊടുപ്പിച്ചു. മുത്തശ്ശി മയങ്ങിയതോടെ, സ്വകാര്യ ദൃശ്യങ്ങൾ പുറത്ത് വിടുമെന്ന് ഭീഷണിപ്പെടുത്തി പെൺകുട്ടിയെ ബലാത്സംഗം ചെയ്യുകയും ഇത് ചിത്രീകരിച്ച് മൊബൈൽ ആപ്പ്ലിക്കേഷൻ ഉപയോഗിച്ച് എഡിറ്റ് ചെയ്ത് നീലച്ചിത്രമാക്കി മാറ്റുകയുമായിരുന്നു.
ജോലി കഴിഞ്ഞ് വീട്ടിലെത്തിയ മാതാപിതാക്കളോട് പൊട്ടിക്കരഞ്ഞു കൊണ്ട് പെൺകുട്ടി സംഭവങ്ങൾ വിശദീകരിച്ചു. തുടർന്ന് ഇവർ പോലീസിൽ പരാതി നൽകുകയും പ്രതി അറസ്റ്റിലാകുകയുമായിരുന്നു.
Comments