അമൃത്സർ: പാകിസ്താൻ അതിർത്തിയിൽ നുഴഞ്ഞുകയറ്റ ശ്രമം.പഞ്ചാബിലെ പത്താൻകോട്ട് മേഖലയിലാണ് രണ്ട് ഭീകരർ നുഴഞ്ഞുകയറാൻ ശ്രമിച്ചത്. ഇവരുടെ ചിത്രങ്ങൾ ബിഎസ്എഫിന്റെ തെർമൽ ക്യാമറയിൽ പതിഞ്ഞിട്ടുണ്ട്. മഞ്ഞിന്റെ മറവിലാണ് നുഴഞ്ഞുകയറിയതെന്ന് ദൃശ്യങ്ങളിൽ വ്യക്തമാണ്.
പഞ്ചാബ് അതിർത്തിയിൽ പാക് നുഴഞ്ഞു കയറ്റം വ്യാപകമാണെന്ന് സുരക്ഷാ സേന അറിയിച്ചു.ഭീകര സാന്നിധ്യം ശ്രദ്ധയിൽപ്പെട്ടതോടെ മുതിർന്ന ബിഎസ്എഫ് ഉദ്യോഗസ്ഥർ സംഭവ സ്ഥലത്ത് തിരച്ചിൽ നടത്തി. പുലർച്ചെയയാണ് സേന തിരിച്ചിൽ നടത്തിയത്. കനത്ത മഞ്ഞ് വീഴ്ചയെ തുടർന്ന് തിരച്ചിൽ ഇന്നത്തേക്ക് മാറ്റുകയായിരുന്നു.
കഴിഞ്ഞ ദിവസം രജൗരിയിൽ നിന്ന് നുഴഞ്ഞുകയറാൻ ശ്രമിച്ച പാക് ഭീകരനെ പിടികൂടിയിരുന്നു. നൗഷര മേഖലയിൽ നുഴഞ്ഞുകയറാൻ ശ്രമിച്ച ഭീകരരെ സൈന്യം പരാജയപ്പെടുത്തിയിരുന്നു. ഒരു ഭീകരനെ സുരക്ഷാ സേന വധിക്കുകയും ചെയ്തിരുന്നു.
