സോൾ – പുതുവർഷത്തോട് അനുബന്ധിച്ച് കഴിഞ്ഞ ദിവസം സമൂഹമാദ്ധ്യമങ്ങളിൽ ഒരു വിമാനത്തിന്റെ ടൈം ചാർട്ട് പ്രചരിച്ചിരുന്നു. 2023 ൽ പറന്നുയർന്ന വിമാനം 2022 ൽ ലാന്റ് ചെയ്യുന്ന ടൈം ചാർട്ടാണിത്. ഇത് പ്രചരിച്ചതോടെ ടൈം ട്രാവൽ ആണോ എന്ന് വരെ സംശയിച്ചവരുണ്ട്. എന്നാൽ ഇതൊന്നുമല്ല കാരണം. ഒരു വർഷം പിന്നിലേക്ക് യാത്രക്കാരെ കൊണ്ടുപോയ വിമാനത്തിന്റെ രസകരമായ കഥയാണ് ഇപ്പോൾ സമൂഹമാദ്ധ്യമങ്ങളിൽ വൈറലാകുന്നത്.
യുണൈറ്റഡ് എയർലൈൻസിന്റെ ബോയിംഗ് 777-300 വിമാനമാണ് യാത്രക്കാരുമായി പിന്നിലേക്ക് പറന്നത്. ദക്ഷിണ കൊറിയയിലെ സോളിലുളള ഇഞ്ചിയോൺ വിമാനത്താവളത്തിൽ നിന്ന് യുഎസിലെ സാൻ ഫ്രാൻസിസ്കോയിലേക്കാണ് വിമാനം പറന്നത്. ജനുവരി 1 ന് പുലർച്ചെ 12.29 നാണ് യാത്ര ആരംഭിച്ചത്. ഒമ്പത് മണിക്കൂറും 46 മിനിറ്റും പറന്ന് സാൻഫ്രാൻസിസ്കോയിൽ ഇറങ്ങുമ്പോൾ അവിടെ സമയം 2022 ഡിസംബർ 31 വൈകീട്ട് 5.01 മാത്രമായിരുന്നു.
This is so cool!
Flight #UA858 took off in 2023 but will land back in 2022.https://t.co/7QFa4kNfU9#BackToTheFuture pic.twitter.com/X2JyrrVR7T
— Flightradar24 (@flightradar24) December 31, 2022
വിമാനം ഇന്റർനാഷണൽ ഡേറ്റ് ലൈൻ (അന്താരാഷ്ട്ര ദിനാങ്കരേഖ) മുറിച്ച് കടന്നതോടെയാണ് ഒരു ദിവസം പിന്നോട്ട് സഞ്ചരിച്ചത്. അന്താരാഷ്ട്ര ദിനാങ്കരേഖക്ക് കുറുകെ സഞ്ചരിക്കുന്ന വിമാനങ്ങൾക്കും കപ്പലുകൾക്കുമെല്ലാം സമയമാറ്റം പതിവാണ്. എന്നാൽ പുതുവർഷമായതോടെ ഈ വിമാനം കഴിഞ്ഞ വർഷത്തിലേക്ക് പറക്കുകയായിരുന്നു.
Comments