തിരുവനന്തപുരം: മുഖ്യമന്ത്രി പങ്കെടുക്കുന്ന പരിപാടികളിൽ കറുപ്പ് നിറം വിലക്കിയതിനെ വിമർശിച്ച് കെപിസിസി പ്രസിഡന്റ് കെ.സുധാകരന്. മുഖ്യമന്ത്രിക്ക് പൊതുപരിപാടികള് ഉണ്ടെങ്കില് ജനത്തിന് പുറത്തിറങ്ങാന് കഴിയാത്ത അവസ്ഥയാണ്. മുഖ്യമന്ത്രിയുടെ സന്ദര്ശനത്തിന്റെ പേരില് പ്രവര്ത്തകരെയും നേതാക്കളെയും അനധികൃതമായി കരുതല് തടങ്കിലെടുക്കുകയാണെന്നും നാട്ടില് മുസ്ലിം സ്ത്രീകള്ക്ക് പർദ്ദയും തട്ടവും ധരിക്കാന് കഴിയുന്നില്ലെന്നും സുധാകരൻ പറഞ്ഞു.
‘മുഖ്യമന്ത്രിയുടെ സന്ദര്ശനത്തിന്റെ പേരില് പ്രവര്ത്തകരെയും നേതാക്കളെയും അനധികൃതമായി കരുതല് തടങ്കിലെടുക്കുന്നതിനെതിരെ കോണ്ഗ്രസ് നിയമ നടപടി സ്വീകരിക്കും. സമരങ്ങള് നടത്തിയ പാരമ്പര്യത്തിന്റെ മേന്മ വിളമ്പുന്ന സിപിഎമ്മിനും മുഖ്യമന്ത്രിക്കും എന്നു മുതലാണ് പ്രതിഷേധങ്ങളോട് ഇത്രയും പുച്ഛം. നാടുനീളെ കരിങ്കൊടി പ്രതിഷേധം നടത്തിയ സിപിഎമ്മിന്റെ മുഖ്യമന്ത്രിയുടെ കറുപ്പ് പേടി കാരണം നാട്ടില് മുസ്ലിം സ്ത്രീകള്ക്ക് പർദ്ദയും തട്ടവും ധരിക്കാന് കഴിയുന്നില്ല. കറുത്ത വസ്ത്രം ധരിച്ച് പുറത്തിറങ്ങുന്ന പുരുഷന്മാരെ പോലീസ് ഓടിച്ചിട്ട് പിടിക്കുന്നു’.
‘മുഖ്യമന്ത്രിക്ക് പൊതുപരിപാടികള് ഉണ്ടെങ്കില് ജനത്തിന് പുറത്തിറങ്ങാന് കഴിയാത്ത അവസ്ഥയാണ്. കണ്ണൂരിലും, പാലക്കാടും, കോഴിക്കോടും എറണാകുളത്തും ഉള്പ്പെടെ എല്ലാ ജില്ലകളിലും അപ്രഖ്യാപിത അടിയന്താരവസ്ഥയ്ക്ക് തുല്യമായ നടപടികളാണ് മുഖ്യമന്ത്രിക്ക് വേണ്ടി പോലീസുകാര് കാട്ടിക്കൂട്ടുന്നത്. പൊതുജനത്തെ വഴിയില് തടഞ്ഞും രാഷ്ട്രീയ എതിരാളികളെ ജയിലടച്ചും മുഖ്യമന്ത്രി കാട്ടിക്കൂട്ടുന്ന പേക്കൂത്ത് പ്രതിഷേധാര്ഹമാണ്. സഞ്ചാര സ്വാതന്ത്ര്യവും ഇഷ്ടമുള്ള വസ്ത്രധാരണവും ഉള്പ്പെടെ ഭരണഘടന വിഭാവനം ചെയ്യുന്ന മൗലികാവകാശങ്ങളുടെ മേല് കടന്നുകയറുകയാണ് സംസ്ഥാന ഭരണകൂടം എന്ന് സുധാകരൻ പറഞ്ഞു’.
