ഹൈദരാബാദ്: നിസാമാബാദ് സർക്കാർ മെഡിക്കൽ കോളേജിലെ അവസാന വർഷ എംബിബിഎസ് വിദ്യാർത്ഥി ഹോസ്റ്റൽ മുറിയിൽ ആത്മഹത്യ ചെയ്ത നിലയിൽ കണ്ടെത്തി. ദസരി ഹർഷ (22) എന്ന വിദ്യാർത്ഥിയാണ് മരിച്ചത്. ഇന്ന് രാവിലെയാണ് സംഭവം. തുടർന്ന് ദസരിയുടെ മൃതദേഹം പോസ്റ്റ്‌മോർട്ടത്തിനായി ജില്ലാ ജനറൽ ആശുപത്രിയിലേക്ക് അയച്ചു.
വിദ്യാർത്ഥിയുടെ ആത്മഹത്യയുടെ പിന്നിലെ കാരണം വ്യക്തമല്ലെന്ന് പോലീസ് പറഞ്ഞു. വെള്ളിയാഴ്ച രാത്രി വരെ ഹർഷ സുഹ്യത്തുകളോട് സംസാരിച്ചിരുന്നുവെന്നും അത്താഴം കഴിഞ്ഞ് മുറിയിൽ കയറിയ ശേഷം ഹർഷ ആത്മഹത്യ ചെയ്യുകയായിരുന്നുവെന്നും അന്വേഷണത്തിൽ കണ്ടെത്തി.
മഞ്ചിരിയാല ജില്ലയിലെ ജിന്നാരം മണ്ഡലത്തിലെ ചിന്തഗുഡ ഗ്രാമമാണ് ഹർഷയുടെ സ്വദേശം.അച്ഛൻ ശ്രീനിവാസ് ഗൾഫിലാണെന്നും
അമ്മ വീട്ടമ്മയാണെന്നും പോലീസ് പറഞ്ഞു. ഹർഷ മിടുക്കനായ വിദ്യാർത്ഥിയായിരുന്നെന്നും, സംഭവത്തിന് പിന്നിലെ കാരണം അറിയില്ലെന്നും നിസാമാബാദ് ഗവൺമെന്റ് മെഡിക്കൽ കോളേജ് പ്രിൻസിപ്പൽ കെ ഇന്ദ്ര പറഞ്ഞു.
