ന്യൂഡൽഹി: കശ്മീർ താഴ്‌വരയിൽ തീവ്രവാദ പ്രവർത്തനങ്ങളെ പ്രതിരോധിക്കുന്നതിനായി ബുള്ളറ്റ് പ്രൂഫ് വാഹനം നിർമ്മിച്ച് സിആർപിഎഫ്. ക്രിട്ടിക്കൽ സിറ്റുവേഷൻ റെസ്പോൺസ് വെഹിക്കിൾ എന്ന് ഇതിനെ വിളിക്കുന്നു. സിആർപിഎഫിന്റെ ന്യൂഡൽഹിയിലെ റിസർച്ച് ഡെവലപ്പ്മെന്റ് വിഭാഗമാണ് വാഹനം നിർമ്മിച്ചത്. ഇത് ബോംബ് സ്‌ഫോടനത്തെയും പ്രതിരോധിക്കും.
വത്യസ്ത സാഹചര്യങ്ങളിൽ പ്രതിരോധ പ്രവർത്തനങ്ങൾ നിർവ്വഹിക്കാനായി അത്യാധുനിക സൗകര്യം വാഹനത്തിനുണ്ട്. ചെറിയ ഇടുങ്ങിയ വഴികളിലൂടെ സഞ്ചരിക്കാൻ കഴിയും. ഒരു വീടിന്റെ രണ്ടാം നിലയിലേക്ക് എത്താൻ കഴിവുള്ള ഹൈഡ്രോളിക്ക് സംവിധാനം വാഹനത്തിലുണ്ട്. 360 ഡിഗ്രിയിൽ കറങ്ങാൻ കഴിയുന്നതും വാഹനത്തിന്റെ മറ്റൊരു സവിശേഷതയാണ്.
കഴിഞ്ഞ നാല് വർഷത്തിനുള്ളിൽ സിആർപിഎഫിൽ വലിയ നവീകരണങ്ങളാണ് ഉണ്ടായിട്ടുള്ളത്. കേന്ദ്ര സർക്കാർ സിആർപിഎഫിന് അത്യാധുനിക സജ്ജീകരണങ്ങളും ആയുധങ്ങളും നൽകിക്കൊണ്ട് കാര്യക്ഷമമായ ഇടപെടലാണ് നടത്തുന്നത്.
