ബെംഗളൂരു : കർണ്ണാടകയിൽ ആപ്പിളിന്റെ ഫോണുകൾ നിർമ്മിക്കുമെന്ന് കേന്ദ്ര ഐടി സഹമന്ത്രി രാജീവ് ചന്ദ്രശേഖറും മുഖ്യമന്ത്രി ബസവരാജ് ബൊമ്മയും അറിയിച്ചു. 300 ഏക്കർ വിസ്തൃതിയിലുള്ള പുതിയ ഫാക്ടറികളായിരിക്കും ആപ്പിളിന്റെ ഫോണുകൾ നിർമ്മിക്കുക. ഇതിലൂടെ ഏകദേശം ഒരു ലക്ഷത്തിലധികം തൊഴിലവസരങ്ങൾ സൃഷ്ടിക്കാൻ പദ്ധതിയിടുകയാണെന്നും അദ്ദേഹം പറഞ്ഞു.
കർണ്ണാടകയിൽ ഫാക്ടറി സ്ഥാപിക്കുന്നതിന്റെ ഭാഗമായി ആപ്പിൾ ഇൻക് പങ്കാളിയായ ഹോൺ ഹായ് ടെക്നോളജി ഗ്രൂപ്പിന്റെ പ്രതിനിധികൾ ആപ്പിളിന്റെ ചെയർമാൻ യംഗ് ലിയൂവിന്റെ നേതൃത്വത്തിൽ ബെംഗളൂരുവിലെത്തിയിരുന്നു. കർണാടക ഇൻഫർമേഷൻ ടെക്നോളജി മന്ത്രി സിഎൻ അശ്വത് നാരായണനുമായി ഇത് സംബന്ധിച്ച് പ്രതിനിധികൾ പ്രാധമിക ചർച്ച നടത്തി.
സംസ്ഥാനത്ത് ആപ്പിളിന്റെ നിർമ്മാണ യൂണിറ്റ് സ്ഥാപിക്കുന്നതിനാവശ്യമായ സ്ഥലം പരിശോധിക്കുന്നതിനാണ് പ്രതിനിധികളെ കൊണ്ടുപോയതെന്ന് മന്ത്രിയുടെ ഓഫീസ് പുറത്തുവിട്ട ഔദ്യോഗിക പ്രസ്താവനയിൽ പറഞ്ഞു. ബെംഗളൂരു അന്താരാഷ്ട്ര വിമനത്താവളത്തിലെത്തിയ സംഘത്തെ മന്ത്രി സ്വാഗതം ചെയ്തിരുന്നു.
