ന്യൂഡൽഹി: ദേശീയ സുരക്ഷാ ഉപദേഷ്ടാവ് അജിത് ഡോവലുമായി കൂടിക്കാഴ്ച നടത്തി ഉത്തരാഖണ്ഡ് മുഖ്യമന്ത്രി പുഷ്കർ സിംഗ് ധാമി. ശനിയാഴ്ച ന്യൂഡൽഹിയിൽ വച്ചാണ് കൂടിക്കാഴ്ച നടത്തിയത്. അജിത് ഡോവലുമായിട്ടുള്ള ചർച്ചയുടെ വിശദാംശങ്ങൾ ധാമി ട്വീറ്റ് ചെയ്തു. ഇരുവരും തമ്മിലുള്ള ചിത്രങ്ങളും ട്വിറ്ററിലൂടെ പങ്കുവെച്ചു.
‘കീർത്തിചക്ര ജേതാവും ഉത്തരാഖണ്ഡിന്റെ അഭിമാനവുമായ ദേശീയ സുരക്ഷാ ഉപദേഷ്ടാവ് അജിത് ഡോവലിനെ ഇന്ന് ന്യൂഡൽഹിയിൽ വെച്ച് കാണുവാൻ സാധിച്ചു. അദ്ദേഹവുമായി സമകാലിക വിഷയങ്ങൾ ചർച്ച ചെയ്തു.’ എന്ന് ധാമി കുറിച്ചു.
आज नई दिल्ली में उत्तराखण्ड के गौरव, कीर्ति चक्र से सम्मानित राष्ट्रीय सुरक्षा सलाहकार श्री अजीत डोभाल जी से भेंट की। इस दौरान उनसे विभिन्न समसामयिक विषयों पर चर्चा हुई। pic.twitter.com/pOYMdHN2MI
— Pushkar Singh Dhami (@pushkardhami) March 11, 2023
കഴിഞ്ഞ ദിവസം കേന്ദ്രമന്ത്രി മഹേന്ദ്ര നാഥ് പാണ്ഡെയെ ന്യൂഡൽഹിയിൽ വെച്ച് പുഷ്കർ സിംഗ് ധാമി കൂടിക്കാഴ്ച നടത്തിയിരുന്നു. ഉത്തരാഖണ്ഡിൽ ഇലക്ട്രിക് വെഹിക്കിൾ ചാർജിംഗ് സ്റ്റേഷനുകൾ എത്രയും വേഗം സ്ഥാപിക്കണമെന്ന് ധാമി കേന്ദ്രമന്ത്രിയോട് ആവശ്യപ്പെട്ടതായി ഔദ്യോഗിക റിപ്പോർട്ടുകൾ പറയുന്നു.
Comments