ന്യൂഡൽഹി: വടക്കുകിഴക്കൻ സംസ്ഥാനങ്ങളിലെ തിരഞ്ഞെടുക്കപ്പെട്ട മുഖ്യമന്ത്രിമാർ പ്രധാനമന്ത്രിയുമായി കൂടിക്കാഴ്ച്ച നടത്തി. ഇവരുടെ സത്യപ്രതിജ്ഞ ചടങ്ങിൽ പ്രധാനമന്ത്രി പങ്കെടുത്തിരുന്നു. ന്യൂഡൽഹിയിലെ പ്രധാനമന്ത്രിയുടെ ഓഫീസിൽ വെച്ചാണ് കൂടിക്കാഴ്ച്ച നടന്നത്. ത്രിപുര മുഖ്യമന്ത്രി മാണിക് സാഹ, നാഗാലാൻഡ് മുഖ്യമന്ത്രിയായ നെയ്ഫു റിയോ, മേഘാലയ മുഖ്യമന്ത്രിയായ കോൺറാഡ് സാങ്മ എന്നിവരാണ് സന്ദർശിച്ചത്.
ത്രിപുര മുഖ്യമന്ത്രി മണിക് സാഹ, മഹാരാജ രാധാ കിഷോർ മാണിക്യ നിർമ്മിച്ച ഉജ്ജയന്ത കൊട്ടാരത്തിന്റെ ഛായാചിത്രം പ്രധാനമന്ത്രിക്ക് സമ്മാനിച്ചു. മേഘാലയ മുഖ്യമന്ത്രി കോൺറാഡ് സാങ്മയും ഡൽഹിയിലെത്തി പ്രധാനമന്ത്രിയെ സന്ദർശിച്ചിരുന്നു. സംസ്ഥാനത്തെ വിവിധ വിഷയങ്ങളെ പറ്റി പ്രധാനമന്ത്രിയുമായി ചർച്ച ചെയ്തു. പ്രധാനമന്ത്രിയുടെ മാർഗ്ഗനിർദ്ദേശം സംസ്ഥാനത്തിന്റെ വികസനത്തിന് പരമപ്രധാനമാണെന്ന് കൂടിക്കാഴ്ചയ്ക്ക് ശേഷം സാങ്മ പറഞ്ഞു. എൻഡിപിപി തലവനും നാഗാലാൻഡ് മുഖ്യമന്ത്രിയുമായി നെയ്ഫു റിയോയും പ്രധാനമന്ത്രിയുമായി കൂടിക്കാഴ്ച്ച നടത്തി.
Comments