ലക്നൗ : കാശി വിശ്വനാഥ ക്ഷേത്രത്തിൽ ദർശനം നടത്തി മുഖ്യമന്ത്രി യോഗി ആദിത്യനാഥ്.
ഇന്ന് വീണ്ടും കാശി വിശ്വനാഥ Kashi Vishwanath templeക്ഷേത്രം സന്ദർശിച്ചതോടെ ആറ് വർഷത്തിനിടെ 100 തവണ ക്ഷേത്രം സന്ദർശിക്കുന്ന ആദ്യ മുഖ്യമന്ത്രിയായി യോഗി ആദിത്യനാഥ്. 2017-ൽ യുപി മുഖ്യമന്ത്രിയായി അധികാരമേറ്റതിന് ശേഷമുള്ള യോഗിയുടെ 100-ാമത്തെ ക്ഷേത്രദർശനമാണ് ഇത്. യോഗി ആദിത്യനാഥ് 21 ദിവസത്തിലൊരിക്കൽ കാശി വിശ്വനാഥ ക്ഷേത്രത്തിലെത്തും.
ഇന്നലെയോടെ യോഗി വാരണാസിയിലെത്തിയത്. ഓരോ സന്ദർശനത്തിലും നഗരത്തിലെ വികസന പ്രവർത്തനങ്ങളുടെ പരിശോധനകൾ നടത്താറുമുണ്ട്. ഉത്തർപ്രദേശിന്റെ ചുമതലയേറ്റ ശേഷം 2017 മുതൽ 2022 മാർച്ച് വരെയുള്ള സമയത്തിൽ 74 തവണ കാശി വിശ്വനാഥനെ സന്ദർശിച്ചിട്ടുണ്ട്. സനാതന ധർമ്മത്തോടും ബാബ വിശ്വനാഥിനോടുമുള്ള ഭക്തിയുടെ തെളിവാണ് മുഖ്യമന്ത്രി യോഗിയുടെ സന്ദർശനങ്ങളെന്ന് കാശി വിശ്വനാഥ ക്ഷേത്രത്തിലെ പൂജാരി നീരജ് കുമാർ പാണ്ഡെ പറഞ്ഞു.
കാശി വിശ്വനാഥ ക്ഷേത്രത്തിൽ 100 പ്രാവശ്യം ആരാധന നടത്തി ചരിത്രം സൃഷ്ടിക്കുക മാത്രമല്ല, കഴിഞ്ഞ ആറ് വർഷത്തിനിടെ 100 തവണ കാലഭൈരവ ക്ഷേത്രം സന്ദർശിക്കുന്ന ആദ്യ മുഖ്യമന്ത്രി കൂടിയാണ് യോഗി. കാശിയിലെ കോട്വാൾ എന്നാണ് കാലഭൈരവനെ വിളിക്കുന്നത്. ഇന്ന് രാവിലെയും മുഖ്യമന്ത്രി ക്ഷേത്രത്തിൽ ദർശനം നടത്തി. ഉത്തര്പ്രദേശില് വലിയ റോഡ് വികസന പദ്ധതികളാണ് യോഗി ആദിത്യനാഥ് സര്ക്കാര് നടപ്പാക്കിക്കൊണ്ടിരിക്കുന്നത്. പര്യടനത്തിന്റെ രണ്ടാം ദിവസമായ ഇന്ന് മുഖ്യമന്ത്രി യോഗി പുതുതായി നിർമ്മിച്ചുകൊണ്ടിരിക്കുന്ന സർക്യൂട്ട് ഹൗസ് കെട്ടിടവും സന്ദർശിച്ചു.
