മലപ്പുറം: താനൂർ ബോട്ട് അപകടത്തിന്റെ പശ്ചാത്തലത്തിൽ സംസ്ഥാനത്തെ ബോട്ടുകളിൽ മിന്നൽ പരിശോധന. ആലപ്പുഴയിലും എറണാകുളം മരട് നഗരസഭാ പരിധിയിലുമാണ് വിനോദസഞ്ചാര ബോട്ടുകളിൽ പരിശോധന നടത്തിയത്. സംസ്ഥാനത്തെ തുറമുഖവകുപ്പിന്റെ നേതൃത്വത്തിലായിരുന്നു പരിശോധന. ലൈസൻസില്ലാത്ത ബോട്ടുകൾക്കെതിരെ കർശന നടപടി സ്വീകരിക്കുമെന്ന് തുറമുഖവകുപ്പ് അധികൃതർ അറിയിച്ചു.
പഴക്കം വന്ന ബോട്ടുകളിലാണ് സർവീസ് നടത്തുന്നതെന്ന് ആലപ്പുഴയിലെ യാത്രക്കാർ പറഞ്ഞു. ബോട്ടുകളിൽ കൊള്ളാവുന്നതിലും അധികം യാത്രക്കാരുമായാണ് സർവീസ് നടത്തുന്നതെന്നും യാത്രക്കാർ ആരോപിച്ചു.
ആലപ്പുഴയിൽ പരിശോധിച്ച 12 ബോട്ടുകളിൽ കൃത്യമായ രേഖകൾ ഉണ്ടായിരുന്നത് മൂന്നെണ്ണത്തിന് മാത്രമാണ്. പോലീസിന്റെ സാന്നിധ്യത്തിൽ രണ്ടുമണിക്കൂറോളമായിരുന്നു പരിശോധന നടന്നത്.
Comments