ന്യൂഡൽഹി: ബ്രിഗേഡിയറിനും ഉന്നത ഉദ്യോഗസ്ഥർക്കും ആഗസ്റ്റ് മുതൽ സൈന്യത്തിൽ പൊതു യൂണിഫോം. ആഗസ്റ്റ് ഒന്ന് മുതലാണ് പൊതു യൂണിഫോം എന്ന തീരുമാനം പ്രാബല്യത്തിൽ വരുന്നത്. പെരന്റ് കേഡറും നിയമനവും പരിഗണിക്കാതെയാണ് ബ്രിഗേഡിയറിനും ഉയർന്ന റാങ്കിലുള്ള ഉദ്യോഗസ്ഥർക്കും പൊതുവായ യൂണിഫോം നൽകാൻ ഇന്ത്യൻ സൈന്യം തീരുമാനിച്ചത്.
നിലവിലെ ഉദ്യാഗസ്ഥർ തമ്മിലുള്ള വ്യത്യാസങ്ങൾ ഇല്ലാതാക്കുന്നതിന്റെ ഭാഗമായാണ് എല്ലാവർക്കും പൊതുവായ യൂണിഫോം നൽകാൻ തീരുമാനിച്ചിരിക്കുന്നതെന്ന് അധികൃതർ വ്യക്തമാക്കി. ഉദ്യോഗസ്ഥർക്ക് പൊതു യൂണിഫോം നൽകുന്നതിലൂടെ ന്യായവും നീതിയുക്തവുമായ ഇന്ത്യൻ സൈന്യം കൂടുതൽ ശക്തിപ്പെടുത്തും.
ഉന്നത ഉദ്യോഗസ്ഥരുടെ തലപ്പാവ്, റാങ്ക് ബാഡ്ജുകൾ, ഗോർജറ്റ് പാച്ചുകൾ, ബെൽറ്റുകൾ, ഷൂസുകൾ എന്നിവയും പൊതുവായിരിക്കും. കേണൽമാരും സൈന്യത്തിലെ റാങ്കിന് താഴെയുള്ള ഉദ്യോഗസ്ഥരും ധരിക്കുന്ന യൂണിഫോമിന് മാറ്റമുണ്ടാകില്ലെന്ന് അധികൃതർ അറിയിച്ചു.
Comments