ആലപ്പുഴ: പ്രായപൂർത്തിയാകാത്ത ആൺകുട്ടിയെ യുവതി പീഡിപ്പിച്ചതായി പരാതി. കായംകുളത്താണ് സംഭവം നടന്നത്. പതിനാലുകാരനാണ് പീഡനത്തിന് ഇരയായതെന്നാണ് വിവരം. വീട്ടിലെ പൈപ്പ് ശരിയാക്കുന്നതിന് സഹായിക്കണമെന്ന് ആവശ്യപ്പെട്ട് 14-കാരനെ വിളിച്ചുവരുത്തുകയായിരുന്നു യുവതി. വീട്ടിൽ മറ്റാരുമില്ലാത്ത സമയമായതിനാൽ ആൺകുട്ടിയെ ഇവർ ലൈംഗികമായി ചൂഷണം ചെയ്തു.
പിന്നീട് കുട്ടി തന്റെ കുടുംബാംഗങ്ങളോട് കാര്യം പറഞ്ഞപ്പോഴാണ് സംഭവം പുറംലോകമറിയുന്നത്. ആൺകുട്ടിക്ക് പരിക്കേറ്റിരുന്നതായും ആശുപത്രിയിൽ പ്രവേശിപ്പിച്ചതായും വീട്ടുകാർ അറിയിച്ചു. കുട്ടിയുടെ അച്ഛനാണ് വിവരം പോലീസിൽ അറിയിച്ചത്. അച്ഛൻ നൽകിയ പരാതിയുടെ അടിസ്ഥാനത്തിൽ പോലീസ് കേസെടുത്തു. കായംകുളം പോലീസിനാണ് അന്വേഷണ ചുമതല.
