കൊൽക്കത്ത: പശ്ചിമ ബംഗാളിലെ മേദനിപൂർ ജില്ലയിൽ സ്ഥിതിചെയ്യുന്ന ഫാക്ടറിയിൽ സ്ഫോടനം. മേദനിപൂരിലെ എഗ്രയിലാണ് സ്ഫോടനമുണ്ടായത്. സ്ഫോടനത്തിൽ നിരവധി പേർക്ക് പരുക്കേറ്റതായി അധികൃതർ അറിയിച്ചു.
അതി തീവ്രതയോട് കൂടിയ അതി ശക്തമായ സ്ഫോടനമാണ് പ്രദേശത്തുണ്ടായത്. സ്ഫോടനത്തെ തുടർന്ന് ഉടൻ എഗ്ര പോലീസ് സംഭവസ്ഥലത്തെത്തി രക്ഷാപ്രവർത്തനം തുടങ്ങിയിരുന്നു. ഫാക്ടറിയ്ക്ക് സമീപമുള്ള ഗ്രാമ പ്രദേശത്തും സ്ഫോടനത്തിന്റെ ആഘാതം വ്യാപിച്ചിരുന്നു. പരിക്കേറ്റവരെ ആശുപത്രിയിലേക്ക് മാറ്റിയിട്ടുണ്ട്.
സംസ്ഥാനത്തെ ബോംബ് നിർമ്മാണ കേന്ദ്രങ്ങളിൽ സ്ഫോടനം നടക്കുന്നത് സ്ഥിരം സംഭവമാണ്. അതേസമയം, ഐഎസും അൽ-ഖ്വയ്ദയും പോലെയുള്ള തീവ്രവാദ സംഘടനകൾക്ക് ബോംബ് സ്ഫോടനവുമായി ബന്ധമുണ്ടെന്ന് പ്രദേശവാസികൾ ആരോപിക്കുന്നുണ്ട്.
