മുംബൈ: ഗേറ്റ് വേ ഓഫ് ഇന്ത്യയുടെ ചുവരുകളിൽ ധീരയോദ്ധാവ് ഛത്രപതി ശിവജി മഹാരാജിന്റെ ജീവിതം ഡിജിറ്റൽ ലൈറ്റ് ആൻഡ് സൗണ്ട് ഷോയിലൂടെ അവതരിപ്പിച്ചു. ജി20-യുടെ പരിസ്ഥിതി, കാലാവസ്ഥ, സുസ്ഥിരത വർക്കിംഗ് ഗ്രൂപ്പിൽ നിന്നുള്ള പ്രതിനിധികളുടെ സന്ദർശനത്തോടനുബന്ധിച്ചായിരുന്നു ഡിജിറ്റൽ ഷോ. തനതായ നാടൻ കലാരൂപങ്ങളായ , ദഹി ഹണ്ടി, പരമ്പരാഗത ധോൾ , മറാത്തി ലാവണി എന്നിവയും അവതരിപ്പിച്ചു.
#WATCH | Maharashtra: G20 delegates witness Chhatrapati Shivaji Maharaj's journey through digital sound and light show at The Gateway of India, in Mumbai. pic.twitter.com/fAFPn6JDiF
— ANI (@ANI) May 22, 2023
വിവിധ രാജ്യങ്ങളെ പ്രതിനിധീകരിച്ചെത്തിയവരും നൃത്തിന് ചുവടുവെച്ചു. മഹാരാഷ്‌ട്രയുടെ ചരിത്രം ചുവരുകളിൽ കണ്ടതിന്റെ നവ്യാനുഭൂതിയിലായിരുന്നു പ്രതിനിധികൾ. ശാസ്ത്രം, സാങ്കേതികവിദ്യ, നൂതനാശയങ്ങൾ തുടങ്ങിയവയുടെ വളർച്ച, നയങ്ങളും ഭരണവുമായി ബന്ധപ്പെട്ട വെല്ലുവിളികൾ തുടങ്ങിയ വിഷയങ്ങൾ യോഗത്തിൽ ചർച്ച ചെയ്തതായി വൃത്തങ്ങൾ അറിയിച്ചു.
ഭൗമശാസ്ത്ര മന്ത്രാലയവും പരിസ്ഥിതി, വനം, കാലാവസ്ഥാ വ്യതിയാന മന്ത്രാലയവും ചേർന്ന് ‘ഓഷ്യൻ 20 ഡയലോഗ്’ എന്ന പരിപാടിയും മുംബൈയിൽ സംഘടിപ്പിച്ചു. സമുദ്രമേഖലയിലെ സുസ്ഥിരത, സമുദ്ര ഭരണം, സുസ്ഥിര സമുദ്ര വ്യാപാരവും മറ്റും സുഗമമാക്കുന്നതിനുള്ള വഴികൾ തുടങ്ങിയ വിഷയങ്ങളിൽ ചർച്ചകൾ നടന്നു.
