ന്യൂഡൽഹി: ത്രിരാഷ്ട്ര സന്ദർശനത്തിന്റെ ഭാഗമായി ഓസ്ട്രേലിയൻ പര്യടനം നടത്തിയതിന്റെ വീഡിയോ ദൃശ്യങ്ങൾ ഹൈലൈറ്റ്സ് രൂപത്തിൽ പങ്കുവച്ച് പ്രധാനമന്ത്രി നരേന്ദ്രമോദി. ഇരുരാജ്യങ്ങളും തമ്മിലുള്ള സൗഹൃദം കെട്ടുറപ്പിക്കാൻ പ്രധാന പങ്കുവഹിച്ച ഒന്നായിരുന്നു ഓസ്ട്രേലിയൻ സന്ദർശനമെന്നും പ്രധാനമന്ത്രി അടിക്കുറിപ്പെഴുതി.
From productive talks with PM @AlboMP to a historic community programme, from meeting business leaders to eminent Australians from different walks of life, it’s been an important visit which will boost the friendship between 🇮🇳 and 🇦🇺. pic.twitter.com/5OdCl7eaPS
— Narendra Modi (@narendramodi) May 24, 2023
ഓസ്ട്രേലിയൻ പ്രധാനമന്ത്രി ആന്റണി ആൽബനീസുമായി ഉഭയകക്ഷി ചർച്ച നടത്തിയ നരേന്ദ്രമോദി പ്രതിരോധം ഉൾപ്പെടെ നിരവധി വിഷയങ്ങളിൽ പരസ്പരം അഭിപ്രായങ്ങൾ പങ്കുവച്ചിരുന്നു. സിഡ്നിയിൽ വച്ചായിരുന്നു ഇരു പ്രധാനമന്ത്രിമാരും തമ്മിൽ കൂടിക്കാഴ്ച നടത്തിയത്.
തുടർന്ന് ഓസ്ട്രേലിയയിലെ ഇന്ത്യൻ സമൂഹവുമായും നരേന്ദ്രമോദി സംവദിച്ചിരുന്നു. ആന്റണി ആൽബനീസും മറ്റ് രാഷ്ട്രീയ പ്രമുഖരും പങ്കെടുത്ത പരിപാടി പതിനായിരക്കണക്കിന് ഇന്ത്യക്കാരാണ് സാക്ഷ്യം വഹിച്ചത്. മോദിക്ക് ലഭിച്ച സ്വീകാര്യത കണ്ട് വിസ്മയിച്ചുപോയ ഓസ്ട്രേലിയൻ പ്രധാനമന്ത്രി ചടങ്ങിൽ മോദിയെ ‘ദി ബോസ്’ എന്നാണ് വിശേഷിപ്പിച്ചത്.
കഴിഞ്ഞ വർഷം ഇന്ത്യയും ഓസ്ട്രേലിയയും തമ്മിൽ സാമ്പത്തിക സഹകരണ വ്യാപര കരാറിൽ ഒപ്പുവയ്ക്കുകയും ഡിസംബറോടെ കരാർ നിലവിൽ വരികയും ചെയ്തിരുന്നു. സമഗ്ര സാമ്പത്തിക സഹകരണ കരാറിന് വേണ്ടിയാണ് ഇരുരാജ്യങ്ങളും നിലവിൽ ശ്രമങ്ങൾ നടത്തുന്നത്.
Comments