സോഷ്യൽ മീഡിയയിൽ അരിക്കൊമ്പന്റെ ഫാൻസിനെ കണ്ട് ഞെട്ടി തമിഴ്നാട് വനംവകുപ്പ് ഉദ്യോഗസ്ഥർ; ട്വിറ്ററിലും നിരവധി ഫാൻസ്

അരിക്കൊമ്പന് ട്വിറ്ററിലും നിറയെ ഫാൻസ്. കമ്പത്ത് നിന്ന് കാട് മാറ്റിയ അരിക്കൊമ്പനെ അപ്പർ കോതയാർ മുത്തുകുഴി വനമേഖലയ്‌ക്ക് സമീപം തുറന്ന് വിട്ടിരുന്നു. ഇതിന് ശേഷം ഐഎഎസ് ഉദ്യോഗസ്ഥയും തമിഴ്നാട് എൻവയോൺമെൻറ് ക്ലൈമറ്റ് ചേയ്ഞ്ച് ആൻറ് ഫോറസ്റ്റ് ചീഫ് സെക്രട്ടറിയുമായ സുപ്രിയ സാഹു തന്റെ ട്വിറ്റർ പേജിൽ അരിക്കൊമ്പന്റെ വീഡിയോ പങ്കിട്ടിരുന്നു. ഈ വീഡിയോയ്‌ക്ക് താഴെ അപ്പോൾതന്നെ അരിക്കൊമ്പൻ ആരാധകരായിട്ടുള്ള നിരവധിപേരാണ് കമന്റ് ചെയ്തത്

അരിക്കൊമ്പന് മിക്കവാറും എല്ലാ സാമൂഹിക മാദ്ധ്യമങ്ങളിലും ആരാധകരുണ്ട്. ഫേസ്ബുക്കിൽ അരിക്കൊമ്പനായി നിരവധി ഫാൻസ് പേജുകൾ തന്നെയുണ്ട്. അരിക്കൊമ്പന് വേണ്ടി നിരവധി വാട്‌സാപ്പ് ഗ്രൂപ്പുകളുമുണ്ട്. അതേ സമയം ട്വിറ്ററിലും അരിക്കൊമ്പന് വലിയതോതിൽ ആരാധകരുണ്ടെന്നതിന് തെളിവാണ് സുപ്രിയാ സാഹു ഐഎഎസ് പങ്കുവച്ച വീഡിയോയ്‌ക്ക് ലഭിക്കുന്ന കാഴ്ചക്കാരും കമൻറുകളും തെളിയിക്കുന്നത്.

വീണ്ടും കാട് മാറ്റിയ അരിക്കൊമ്പന് വെറ്ററിനറി സർജൻമാരുടെയും മുതിർന്ന ഉദ്യോഗസ്ഥരുടെയും മേൽനോട്ടത്തിൽ ഒരു സംഘം നിരീക്ഷിക്കുന്നുണ്ട്. സംഘത്തിൽ 10 ആൻറി പോച്ചിംഗ് വാച്ചർമാരും 4 ഫോറസ്റ്റ് റേഞ്ച് ഓഫീസർമാരും രണ്ട് ഡെപ്യൂട്ടി ഡയറക്ടർമാരും ഉണ്ട്. സംഘം അരിക്കൊമ്പന്റെ ആരോഗ്യവും നീക്കങ്ങളും നിരീക്ഷിന്നുണ്ടെന്ന് സുപ്രിയ സാഹു തന്റെ ട്വിറ്റർ അക്കൗണ്ടിലൂടെ വ്യക്തമാക്കി.