വിഐപി നമ്പർ പ്ലേറ്റുള്ള കാറിൽ വന്നിറങ്ങി ആടിനെ മോഷ്ടിച്ചുകൊണ്ടുപോയി യുവാവ്. ആടിനെ കാണാനില്ലെന്ന പരാതിയുമായി ഉടമ പോലീസിനെ സമീപിച്ചതിന് പിന്നാല സിസിടിവി ദൃശ്യങ്ങൾ പരിശോധിച്ചതോടെയാണ് സംഭവം പുറത്തുവന്നത്. ലക്നൗവിലെ ഗോമതി നഗറിലാണ് മോഷണം.
വിഐപി നമ്പർ പ്ലേറ്റുള്ള കാറിൽ ഒരു കൂട്ടം യുവാക്കൾ വന്നിറങ്ങുന്നത് സിസിടിവി കാമറയിൽ വ്യക്തമാണ്. തുടർന്ന് ഇവർ പരിസരമാകെ നിരീക്ഷിക്കുകയും സമീപത്ത് ആരുമില്ലെന്ന് ഉറപ്പാക്കുകയും ചെയ്തു. ശേഷം സംഘത്തിലൊരാൾ അടുത്ത് നിൽക്കുകയായിരുന്ന ആടിനെ എടുത്തു. പതിയെ കാറിനുള്ളിലേക്ക് ആടിനെ കിടത്തി സംഘം കടന്നുകയുകയായിരുന്നു. മുഴുവൻ സംഭവവും സിസിടിവി കാമറയിൽ പതിഞ്ഞിരുന്നു. സംഭവത്തിൽ ആട്ടുടമയുടെ പരാതിയിന്മേൽ അന്വേഷണം തുടരുകയാണ്.
