ഓസ്‌ട്രേലിയൻ ഹയർ സ്‌കൂളുകളിൽ ചേരുന്ന ഇന്ത്യൻ ബിരുദധാരികൾക്കുള്ള ഇമിഗ്രേഷൻ ചട്ടങ്ങൾ 2023 ജൂലൈ 1 മുതൽ മാറ്റിയിരിക്കുന്നു. പുതിയ നിയന്ത്രണങ്ങൾ പ്രകാരം 8 വർഷം വരെ ഇന്ത്യൻ വിദ്യാർത്ഥികൾക്ക് വിസ ഇല്ലാതെ ഓസ്‌ട്രേലിയയിൽ പഠിക്കുകയും തൊഴിൽ അഭ്യസിക്കാവുന്നതുമാണ്. ഇന്ത്യയും ഓസ്‌ട്രേലിയയും 2023 മേയ് മാസം ഒപ്പു വച്ച ഉഭയകക്ഷി കരാർ പ്രകാരമാണ് ഈ മാറ്റങ്ങൾ നടപ്പിലാക്കിയത്.
താത്കാലിക വിസ: അറിയാം കൂടുതൽ കാര്യങ്ങൾ..
മൊബിലിറ്റി അറേഞ്ച്‌മെന്റ് ഫോർ ടാലന്റഡ് ഏർലി പ്രാഫഷണൽസ് സ്‌കീം (MATES) പ്രകാരം ഉഭയക്ഷി കരാർ അനുസരിച്ച് 8 വർഷത്തോളം വിസ ഇല്ലാതെ ഇന്ത്യൻ വിദ്യാർത്ഥികൾക്ക് തൊഴിൽ ചെയ്യാനുള്ള അവസരമുണ്ട്. കൂടാതെ ഇന്ത്യയിൽ നിന്നുള്ള 3000 യുവ പ്രാഫഷണലുകൾക്കും വിസ ഇല്ലാതെ 8 വർഷത്തോളം തൊഴിൽ ചെയ്യാനുള്ള അനുമതിയുണ്ട്. വിസ സ്‌പോൺസറിന്റെ സഹായമില്ലാതെ ഇന്ത്യൻ വിദ്യാർത്ഥികൾക്ക് 2 വർഷത്തോളം ഓസ്‌ട്രേലിയയിൽ താമസിക്കാനുള്ള അവസരവും ഈ സാഹചര്യത്തിലുണ്ട്.
എഞ്ചിനീയറിംഗ്, വിവര സാങ്കേതിക വിനിമയം, ഖനനം, ഫിനാൻഷ്യൽ ടെക്‌നോളജി, ആർട്ടിഫിഷ്യൽ ഇന്റലിജൻസ് തുടങ്ങിയ മേഖലകളിൽ പ്രവർത്തിക്കുന്ന വിദഗ്ധരെല്ലാം MATES താത്ക്കാലിക വിസയ്‌ക്ക് അർഹരാണ്.
പ്രവൃത്തി സമയ വിവരങ്ങൾ..
ജൂലൈ 1 മുതൽ വിദ്യാർത്ഥികൾ രണ്ടാഴ്ചയിൽ 48 മണിക്കൂർ തൊഴിൽ ചെയ്യണമെന്നാണ് പുതിയ വിസ ചട്ടങ്ങൾ ആവശ്യപ്പെടുന്നത്. വയോജന പരിചരണ തൊഴിലാളികളെ ഈ നിയമത്തിൽ നിന്നും ഒഴിവാക്കിയിട്ടുണ്ട്. MATES പ്രോഗ്രാമിനുള്ള അപേക്ഷകർ 31 വയസിൽ താഴെയുള്ളവരും അംഗീകൃത സ്ഥാപനങ്ങളിൽ നിന്നും പഠനം പൂർത്തീകരിച്ചവരുമായിരിക്കണം.
