ആദായ നികുതി റിട്ടേൺ ഫയൽ ചെയ്യാനുള്ള സമയപരിധി തീരാൻ ഇനി ദിവസങ്ങൾ മാത്രം ബാക്കി. 2022-23 സാമ്പത്തിക വർഷത്തെ റിട്ടേൺ ഫയൽ ചെയ്യാൻ നിലവിൽ രണ്ട് നികുതി സ്മീകളാണുള്ളത്. നികുതിദായകന്റെ സാമ്പത്തിക ആവശ്യങ്ങൾ അനുസരിച്ച് പഴയ നികുതി ഘടനയോ, പുതിയ നികുതി സ്കീം പ്രകാരമോ റിട്ടേൺ ഫയൽ ചെയ്യാവുന്നതാണ്.
നിലവിൽ വ്യത്യസ്ത ഐടിആർ ഫോമുകൾ ആദായനികുതി വകുപ്പ് പുറത്തിറക്കിയിട്ടുണ്ട്, ഐടിആർ വൺ, ഐടിആർടു, ഐടിആർ ത്രീ, ഐടിആർ ഫോർ എന്നിങ്ങനെ നാല് ഫോമുകളാണ് അവതരിപ്പിച്ചിരിക്കുന്നത്. വരുമാനം അനുസരിച്ച് റിട്ടേൺ ഫയൽ ചെയ്യാൻ ഉപയോഗിക്കേണ്ട ഫോമുകളിലും വ്യത്യാസം വരും. വ്യക്തിവിവരങ്ങൾ, നികുതി കണക്കുകൾ, നിക്ഷേപം, വരുമാന രേഖകൾ തുടങ്ങിയവയാണ് റിട്ടേൺ ഫയൽ ചെയ്യുമ്പോൾ സമർപ്പിക്കേണ്ടത്. പാൻ കാർഡ്,ആധാർ കാർഡ് എന്നിവയും ഫയൽ റിട്ടേൺ ചെയ്യാൻ ആവശ്യമാണ്.
ഫയൽ സമർപ്പിക്കുന്നതിന് മുൻപായി കണക്കുകൾ കൃത്യമാണെന്ന് ഉറപ്പുവരുത്തണം. ജൂലൈ 31 വരെയാണ് ഇതിനുള്ള സമയപരിധി. ഇതിന് മുൻപായി ചെയ്തില്ലെങ്കിൽ ഓഗസ്റ്റ് ഒന്ന് മുതൽ നികുതി അടയ്ക്കണം. അഞ്ച് ലക്ഷത്തിൽ താഴെയാണ് വാർഷിക വരുമാനമെങ്കിൽ ഓഗസ്റ്റ് ഒന്നിന് ശേഷം റിട്ടേൺ ഫയൽ ചെയ്യുന്നവരിൽ നിന്ന് ആയിരം രൂപ പിഴ ഇനത്തിൽ ഈടാക്കും. അഞ്ച് ലക്ഷത്തിലധികമാണ് വരുമാനമെങ്കിൽ 5,000 രൂപ പിഴ അടയ്ക്കണം.
Comments