ചർമത്തിലുണ്ടാകുന്ന ചുളിവുകൾ പലരെയും അലട്ടുന്ന പ്രശ്‌നങ്ങളിലൊന്നാണ്. എന്നാൽ ഇനി അത്തരം പ്രശ്‌നങ്ങൾ വിറ്റാമിൻ സി സിറം ഉപയോഗിച്ച് മാറ്റിയെടുക്കാം. രോഗ പ്രതിരോധശേഷി കൂട്ടുക മാത്രമല്ല പല തരത്തിലുള്ള ചർമ പ്രശ്‌നങ്ങൾക്കും പരിഹാരമാണ് വിറ്റാമിൻ സി. സിട്രിസ് ആസിഡുകളടങ്ങിയിട്ടുള്ള പഴവർഗങ്ങളായ നാരങ്ങ, ഓറഞ്ച് എന്നിവയിൽ വിറ്റാമിൻ സി അടങ്ങിയിട്ടുണ്ട്. വിറ്റാമിൻ സി സിറം നേരിട്ട് മുഖത്ത് പുരട്ടുന്നത് മുഖകാന്തി വർദ്ധിപ്പിക്കുന്നു. ഇതിന്റെ മറ്റ് ഗുണങ്ങൾ അറിയാം..
സൂര്യാഘാതത്തിൽ നിന്നും സംരക്ഷണം
വിറ്റാമിൻ സി സിറം സൺസ്‌ക്രീനുമായി സംയോജിപ്പിച്ച് ഉപയോഗിക്കുകയാണെങ്കിൽ സൂര്യനിൽ നിന്നുള്ള അൾട്രാവയലറ്റ് രശ്മികളിൽ നിന്നും ശരീരം ഒരു പരിധിവരെ സംരക്ഷിക്കപ്പെടുന്നു.
ചെറുപ്പം നിലനിർത്താൻ
വിറ്റാമിൻ സി ശരീരത്തിലെ കൊളാജൻ വർദ്ധിപ്പിച്ച് ചുളിവുകളും പാടുകളും ഉണ്ടാവുന്നത് തടയുന്നു. വിറ്റാമിൻ സി സിറം മുഖത്ത് പതിവായി പുരട്ടുന്നത് മുഖം മൃദുലമാവാനും ചുളിവുകൾ അകറ്റാനും സഹായിക്കുന്നു.
ചർമത്തിൽ ഈർപ്പം നിലനിർത്താൻ
ശരീരത്തിൽ ജലാംശം അത്യാവശ്യമാണ്. ജലാംശത്തിന്റെ അപര്യാപ്തത ചർമം വരണ്ടുണങ്ങി നിർജ്ജലീകരണത്തിന് വഴിവെക്കുന്നു. വിറ്റാമിൻ സി അടങ്ങിയിട്ടുള്ള ഭക്ഷണങ്ങൾ കഴിക്കുന്നത് ശരീരത്തിൽ ഈർപ്പം നിലനിർത്തുന്നു.
