വിന്ഡീസിന്റെ സൂപ്പര് താരം നിക്കോളാസ് പൂരന് കനത്ത പിഴ ചുമത്തി ഐ.സി.സി. അമ്പയറിംഗിനെ പരസ്യമായി ചോദ്യം ചെയ്തതിനാണ് താരത്തിനെതിരെ നടപടി സ്വീകരിച്ചത്. മാച്ച് ഫിയുടെ 15% നിക്കോളാസ് പൂരാനുമേല് ഐസിസി പിഴ ചുമത്തിയിരിക്കുകയാണ്. ഐസിസിയുടെ ആര്ട്ടിക്കിള് 2.7 വകുപ്പ് പ്രകാരമാണ് പൂരന് ശിക്ഷ വിധിച്ചിരിക്കുന്നത്.
രണ്ടാം ടി20യിലെ ഇന്ത്യന് ഇന്നിങ്സിലെ നാലാം ഓവറില് ഒരു എല്.ബി ഡിസിഷന് റിവ്യൂ ചെയ്തിരുന്നു. ഈ സമയത്ത് ഓണ്ഫീല്ഡ് അമ്പയറിനെ നിക്കോളാസ് പൂരന് ചോദ്യം ചെയ്തിരുന്നു. ഈ സംഭവമാണ് ശിക്ഷയിലേക്ക് നയിച്ചത്.
ഈ സംഭവത്തില് കൃത്യമായി തന്റെ തെറ്റ് പൂരന് അംഗീകരിച്ചിട്ടുണ്ട്. അതിനാലാണ് 15% പിഴ നല്കാന് ഐസിസി തീരുമാനിച്ചത്. കൂടാകെ ഒരു ഡിമെരിറ്റ് പോയിന്റ് കൂടി ഐസിസി വിധിച്ചു. ഇന്ത്യയ്ക്കെതിരെ രണ്ടാം ട്വന്റി20യില് വെസ്റ്റിന്ഡീസിന്റെ വിജയശില്പി നിക്കോളാസ് പൂരാന് ആയിരുന്നു. മത്സരക്ക് ഒറ്റക്ക് പോരാടിയ പൂരാന് ടീമിനെ വിജയത്തിനടുത്തെത്തിച്ചാണ് പിന്വാങ്ങിയത്.40 പന്തുകള് നേരിട്ട താരം 67 റണ്സ് നേടിയിരുന്നു. ആറു ബൗണ്ടറികളും നാല് സിക്സറുകളും അടക്കമാണ് താരത്തിന്റെ ഇന്നിംഗ്സ്.
Comments