എറണാകുളം: ആഡംബര കാറിൽ അഭ്യാസ പ്രകടനം നടത്തിയ വിദ്യാർത്ഥിയുടെ ലെെസൻസ് സസ്പെൻഡ് ചെയ്തു. മുവാറ്റുപുഴയിലാണ് സംഭവം. കോളേജ് ഗ്രൗണ്ടിലായിരുന്നു വിദ്യർത്ഥിയുടെ സാഹസം. വിദ്യാർത്ഥികൾക്കിടയിലൂടെ അപകടകരമായി വാഹനം ഓടിച്ചെന്ന അധികൃതരുടെ പരാതിയിൽ ആയിരുന്നു നടപടി സ്വീകരിച്ചതെന്ന് എൻഫോഴ്സ്മെന്റ് ആർടിഒ അറിയിച്ചു.
ഓണാഘോഷങ്ങൾ ഉള്ളതിനാൽ കോളേജ് അധികൃതരും രക്ഷാകർത്താക്കളും വിദ്യാർത്ഥികൾ വാഹനം ഉപയോഗിച്ച് അഭ്യാസ പ്രകടനങ്ങൾ നടത്തുന്നില്ലെന്ന് ഉറപ്പുവരുത്തേണ്ടതാണെന്നും ആർടിഒ പറഞ്ഞു. വാഹനത്തിലുള്ള അഭ്യാസ പ്രകടനങ്ങൾ, നിയമലംഘനങ്ങൾ, അനധികൃത രൂപമാറ്റങ്ങൾ, നമ്പർ പ്ലേറ്റിൽ കൃത്രിമം കാണിക്കൽ, നമ്പർ പ്ലേറ്റ് വ്യക്തമായ രീതിയിൽ പ്രദർശിപ്പിക്കാതിരിക്കുക തുടങ്ങിയ നിയമലംഘനങ്ങൾ മോട്ടോർ വാഹന വകുപ്പ് എൻഫോഴ്സ്മെന്റ് വിഭാഗം നിരീക്ഷിച്ചു വരുകയാണ്. കുറ്റകൃത്യങ്ങളിൽ ഉൾപ്പെട്ടിട്ടുള്ളവർക്കെതിരെ കർശനമായ നിയമ നടപടി സ്വീകരിക്കുമെന്നും ആർ.ടി.ഒ വ്യക്തമാക്കി.
Comments