വാഷിംഗ്ടൺ: ചന്ദ്രയാൻ 3 വിജയകരമായി ചന്ദ്രനിലിറങ്ങിയതിൽ ഭാരതത്തെ അഭിനന്ദിച്ച് അമേരിക്കൻ വൈസ് പ്രസിഡന്റ് കമലാ ഹാരിസ്. ട്വിറ്ററിലൂടെയാണ് (എക്സ്) ഇന്ത്യൻ ബഹിരാകാശ മേഖലയ്ക്ക് ആശംസകളുമായി യു എസ് വൈസ്പ്രസിഡന്റ് എത്തിയത്.
ചന്ദ്രയാൻ 3ന്റെ വിജയത്തിന് പിന്നിൽ പ്രവർത്തിച്ച ശാസ്ത്രജ്ഞർ ഉൾപ്പെടെയുളള എല്ലാവർക്കും അഭിനന്ദനങ്ങൾ. ചന്ദ്രനിലെ ദക്ഷിണധ്രുവത്തിലാണ് ചന്ദ്രയാൻ എത്തിയിരിക്കുന്നത്. ബഹിരാകാശ മേഖലയിൽ ഇന്ത്യയുമായി പങ്കാളിയാകാൻ കഴിഞ്ഞതിൽ യു എസിന് അഭിമാനമുണ്ട്. കമല ഹാരിസ് ട്വിറ്ററിൽ കുറിച്ചു.
ഇന്ത്യയിലെ യുഎസ് അംബാസിഡറും അഭിനന്ദനങ്ങളുമായി രംഗത്തെത്തി. ചന്ദ്രയാൻ 3 വിജയകരമായി മാറി. ഇന്ത്യയ്ക്കും ചന്ദ്രയാന് പിന്നിൽ പ്രവർത്തിച്ച ഐഎസ്ആർഒ ടീമിനും ശാസ്ത്രജ്ഞമാർക്കും അഭിനന്ദനങ്ങൾ, എക്സിൽ അദ്ദേഹം കുറിച്ചു. ഇന്ത്യയും അമേരിക്കയും തമ്മിലുളള സഹകരണ ബന്ധം ചന്ദ്രയാനിലൂടെ വർദ്ധിക്കുന്നത് കാണാൻ സാധിക്കുന്നുണ്ടെന്നും അദ്ദേഹം കൂട്ടിച്ചേർത്തു.
Comments