ന്യൂഡല്ഹി:ഇന്ത്യന് പുരുഷ-വനിതാ ക്രിക്കറ്റ് ടീമുകള്ക്ക് പുതിയ പരിശീലകരെ നിയമിച്ച് ബിസിസിഐ. ഏഷ്യന് ഗെയിംസിന് ചൈനയില് പോകുന്ന ടീമികള്ക്കാണ് പുതിയ പരിശീലകരുടെ കീഴില് അണിനിരക്കുക. ടൈംസ് ഓഫ് ഇന്ത്യയാണ് പുതിയ നിയമനങ്ങളെ സംബന്ധിച്ച വാര്ത്ത പുറത്തുവിട്ടത്.
പുരുഷ ടീമിന്റെ പരിശീലകനായി മുന് ഇന്ത്യന് താരവും നാഷ്ണല് ക്രിക്കറ്റ് അക്കാദമി ചെയര്മാന് വിവിഎസ് ലക്ഷ്മണിനെയാണ് നിശ്ചയിച്ചിരിക്കുന്നത്. വനിത ടീമിന്റെ താത്കാലിക പരിശീലകനായി മുന് ഓള്റൗണ്ടര് ഋഷികേഷ് കനിത്ക്കറിനെയാണ് തീരുമാനിച്ചിരിക്കുന്നത്.മുന് ലെഗ് സ്പിന്നര് സൈരാജ് ബഹുതുലെയാകും പുരുഷ ടീമിന്റെ ബൗളിംഗ് കോച്ച്. മുനീഷ് ബാലി ഫീല്ഡിം കോച്ചായും ടീമിനൊപ്പം ഉണ്ടാകും.
വനിത ടീമിന്റെ സ്ഥിരം പരിശീലകനെ ഡിസംബറോടെയാണ് തീരുമാനിക്കുക. പുതിയ ഹോം സീസണ് തുടങ്ങുന്നത് ഡിസംബറോടെയാണ്. അതിനാലാണ് കനിത്ക്കറെ താല്ക്കാലിക കോച്ചായി പ്രഖ്യാപിച്ചിരിക്കുന്നത്. റജീബ് ദുട്ട ബൗളിംഗ് കോച്ചായും സുഹദീപ് ഗോഷ് ഫീല്ഡിംഗ് കോ്ച്ചായും വനിത ടീമിനൊപ്പമുണ്ടാകും.ഈ വര്ഷം സെപ്റ്റംമ്പര് 23 മുതല് ഒക്ടോബര് എട്ട് വരെയാണ് ചൈനയില് ഹാങ്ഷൗവില് ഏഷ്യന് ഗെയിംസ് നടക്കുന്നത്. ഇന്ത്യന് പുരുഷ ക്രിക്കറ്റ് ടീമിനെ റിതുരാജ് ഗെയ്ക്കുവാദും വനിത ടീമിനെ ഹര്മണ്പ്രീത് കൗറുമാണ് നയിക്കുന്നത്.
Comments