ന്യൂഡല്ഹി: മുഖ്യമന്ത്രി പിണറായി വിജയനടക്കം പ്രതിയായ എസ്എന്സി ലാവ്ലിന് കേസ് സുപ്രീം കോടതി സെപ്തംബര് 12 ന് പരിഗണിക്കും. 35-ാം തവണയാണ് കേസ് വീണ്ടും കോടതിയുടെ പരിഗണനയ്ക്കെത്തുന്നത്. കേസ് ചൊവ്വാഴ്ച്ചത്തേക്ക് സുപ്രീം കോടതി വീണ്ടും ലിസ്റ്റ് ചെയ്തു. നേരത്തെ മലയാളി കൂടിയായ ജസ്റ്റിസ് സി. ടി രവികുമാര് പിന്മാറിയതോടെയാണ് പുതിയ ബെഞ്ചിലേക്ക് കേസെത്തിയത്.
മുഖ്യമന്ത്രി പിണറായി വിജയന് ഉള്പ്പെടെയുള്ളവരെ കുറ്റവിമുക്തരാക്കിയതിനെതിരായ സിബിഐ ഹര്ജിയും വിചാരണ നേരിടണമെന്ന ഹൈക്കോടതി വിധിക്കെതിരെയുള്ള മറ്റ് പ്രതികളുടെ ഹര്ജിയുമാണ് സുപ്രീം പരിഗണിക്കുന്നത്.
ഹൈക്കോടതിയില് താന് ഈ കേസില് വാദം കേട്ടിരുന്നുവെന്ന് വ്യക്തമാക്കിയാണ് ജസ്റ്റിസ് സി.ടി രവികുമാര് പിന്മാറിയത്. ഇതുവരെ 34 തവണയാണ് ലാവ്ലിന് കേസ് മാറ്റിവച്ചിട്ടുള്ളത്. 1995 ഓഗസ്റ്റ് 10 ന് ഇടുക്കി ജില്ലയിലെ പള്ളിവാസല്, ചെങ്കുളം, പന്നിയാര് ജലവൈദ്യുത പദ്ധതികളുടെ നവീകരണത്തിനായി കനേഡിയന് കമ്പനിയായ എസ്.എന്.സി ലാവ്ലിനുമായി വൈദ്യുതി വകുപ്പ് കരാറില് ഒപ്പുവെച്ചിരുന്നു. 374 കോടി രൂപയുടെ പദ്ധതി നവീകരണത്തില് സംസ്ഥാനത്തിന് വലിയ സാമ്പത്തിക നഷ്ടമുണ്ടായെന്നാണ് കേസ്.
