ന്യൂഡൽഹി: രാജ്ഘട്ടിലെത്തി ആദരാഞ്ജലികൾ അർപ്പിച്ച് ലോകനേതാക്കൾ. പ്രധാനമന്ത്രി നരേന്ദ്രമോദിക്കൊപ്പം എത്തിയാണ് ഗാന്ധിജിയുടെ സമൃതി കുടീരത്തിൽ ലോകനേതാക്കൾ പുഷ്പചക്രം അർപ്പിച്ചത്. രാജ്ഘട്ടിലെത്തിയ നേതാക്കൾക്ക് സബർമതി ആശ്രമത്തെ കുറിച്ചും പ്രധാനമന്ത്രി വിവരിച്ചു നൽകി. ഖാദിയിൽ നിർമ്മിച്ച ഷോൾ നൽകിയാണ് ലോക നേതാക്കളെ രാജ്ഘട്ടിലേക്ക് പ്രധാമന്ത്രി സ്വീകരിച്ചത്.
രാഷ്ട്രത്തലവന്മാർ ഇന്ന് ഭാരത് മണ്ഡപത്തിലെ സൗത്ത് പ്ലാസയിൽ വൃക്ഷത്തൈകൾ നടും. ഉച്ചകോടിയുടെ രണ്ടാംദിനമായ ഇന്ന് ‘ ഒരു ഭാവി’ എന്ന വിഷയത്തിൽ ചർച്ചകൾ നടക്കും. തുടർന്ന് ഉച്ചകോടിയുടെ ഭാഗമായി അവതരിപ്പിക്കപ്പെട്ട പ്രമേയങ്ങൾ അംഗീകരിക്കുന്നതായുള്ള പ്രഖ്യാപനങ്ങൾ നടക്കും.
ഇന്നലെ നടന്ന ആദ്യ രണ്ട് സെഷനുകളിൽ സുപ്രധാന പ്രഖ്യാപനങ്ങളാണ് ഉണ്ടായത്. ആഫ്രിക്കൻ യൂണിയനെ ജി20-യിൽ സ്ഥിരംഗാത്വം നൽകിയതാണ് ഇതിൽ ഏറ്റവും ശ്രദ്ധേയം. ഇന്ത്യ-ഗൾഫ്- യൂറോപ്പ് സാമ്പത്തിക കോറിഡോറിന്റെ പ്രഖ്യാപനവും നടന്നിരുന്നു. ചൈനയുടെ വൺ റോഡ് വൺ ബെൽറ്റ് പദ്ധതിയ്ക്ക് ബദലായാണ് പദ്ധതി നടപ്പാക്കുന്നത്.
ഉച്ചകോടിയുടെ ഭാഗമായി പുതിയ സഖ്യ പ്രഖ്യാപനം കഴിഞ്ഞ ദിവസം നടന്നിരുന്നു. ബയോഫ്യുവൽസ് ഉപയോഗത്തിനായുള്ള പരസ്പര സഹകരണത്തിന്റെ ഭാഗമായി രൂപീകരിച്ച സഖ്യത്തിൽ ഇന്ത്യയ്ക്കൊപ്പം സിംഗപൂർ, ബംഗ്ലാദേശ്, ഇറ്റലി, അമേരിക്ക, ബ്രസീൽ, മൗറേഷ്യസ്, യുഎഇ തുടങ്ങിയ രാജ്യങ്ങളാണ് പുതിയ സഖ്യത്തിന്റെ ഭാഗമായിരിക്കുന്നത്.
Comments