ചെന്നൈ : സനാതനധർമ്മം ഡെങ്കിപ്പനി പോലെയാണെന്ന് നടൻ പ്രകാശ് രാജ് . കലബുറഗിയിൽ ഒരു പരിപാടിയിൽ സംസാരിക്കവെയാണ് തമിഴ്നാട് മന്ത്രിയും മുഖ്യമന്ത്രിയുമായ സ്റ്റാലിന്റെ മകനായ ഉദയനിധിയുടെ ഹിന്ദു വിരുദ്ധ പ്രസ്താവന പ്രകാശ് രാജ് ആവർത്തിച്ചത്.
“സനാതൻ ഡെങ്കിപ്പനി പോലെയാണ്, അത് ഇല്ലാതാക്കേണ്ടതുണ്ട് . സനാതൻ ധർമ്മത്തെയും ഹിന്ദുത്വത്തെയും ഉയർത്തിപ്പിടിക്കുന്നതിനെക്കുറിച്ച് ആക്രമണാത്മകമായി സംസാരിക്കുന്നവർ ഹിന്ദുക്കളല്ല. അവർ സ്വയം ഹിന്ദുത്വയുടെ കരാറുകാരായി അവതരിപ്പിക്കുന്നു. എല്ലാവരും അവരവരുടെ മതം പിന്തുടരണം. എല്ലാവരും ഈ നാട്ടിൽ ജീവിക്കണം. വലതുപക്ഷ ആശയങ്ങൾ ശാസ്ത്രീയ മനോഭാവത്തിന്റെ വികാസത്തിന് തടസ്സമാണ് . ശാസ്ത്രീയ ചിന്തകൾ പ്രചരിപ്പിക്കാൻ അവർ അനുവദിക്കുന്നില്ല. അവർ ഒരിക്കലും തുല്യ വിദ്യാഭ്യാസം ആവശ്യപ്പെട്ടിട്ടില്ല.- ഇത്തരത്തിലായിരുന്നു പ്രകാശ് രാജിന്റെ പ്രസ്താവന .
അതേസമയം പ്രകാശ് രാജിന്റെ ഹിന്ദു വിരുദ്ധ പ്രസ്താവനകൾ ശക്തമായ പ്രതിഷേധത്തിന് കാരണമായിട്ടുണ്ട് . കൂടാതെ പ്രകാശ് രാജിനെ നഗരത്തിൽ പ്രവേശിപ്പിക്കാൻ അനുവദിക്കരുതെന്ന് ജനങ്ങൾ കലക്ടറോട് ആവശ്യപ്പെട്ടിട്ടുണ്ട്.
