കോട്ടയം: കൂട്ടുകാർ കുളിക്കുന്നത് നോക്കി നിൽക്കുന്നതിനിടെ കാൽ വഴുതി കുളത്തിൽ വീണ് വിദ്യാർത്ഥിക്ക് ദാരുണാന്ത്യം.
മാൻവെട്ടം കപിക്കാട് സ്വദേശിയായ 15-കാരൻ ആൽഫ്രഡ് ജോണിയാണ് മരിച്ചത്. പഞ്ചായത്ത് കുളത്തിൽ വീണാണ് അപകടം.
കൂട്ടുകാർ കുളിക്കുന്നതു കണ്ട് കരയിൽ നോക്കി നിൽക്കുകയായിരുന്നു ആൽഫ്രഡ്. ഇതിനിടയിൽ കാൽ തെന്നി കുളത്തിലേക്ക് വീഴുകയായിരുന്നു. ഉടൻ കൂട്ടുകാർ ചേർന്ന് കുട്ടിയെ കരയിൽ കയറ്റി തൊട്ടടുത്തുള്ള സെന്റ് ജോർജ്ജ് ആശുപത്രിയിലും അവിടെ നിന്നും മുട്ടുച്ചിറ എച്ച്.ജി.എം ആശുപത്രിയിലും എത്തിച്ചെങ്കിലും ജീവൻ രക്ഷിക്കാനായില്ല. കല്ലറ സെന്റ് തോമസ് സ്കൂളിലെ 10-ാം ക്ലാസ് വിദ്യാർത്ഥിയാണ് ആൽഫ്രഡ്. മാൻവെട്ടം കണ്ണാരത്തിൽ ജോണി- ഷൈനി ദമ്പതികളുടെ മകനാണ്. കടത്തുരുത്തി പോലീസ് സ്ഥലത്തെത്തി നടപടികൾ സ്വീകരിച്ചു.
