അടുത്ത വർഷം മുതൽ ജിമെയിലിന്റെ അടിസ്ഥാന എച്ച്ടിഎംഎൽ പതിപ്പ് അവസാനിപ്പിക്കുമെന്നറിയിച്ച് ഗൂഗിൾ. 2024 ജനുവരി മുതൽ ജിമെയിൽ സ്റ്റാൻഡേർഡ് വ്യൂവിലേക്ക് മാറുമെന്ന് കമ്പനി വ്യക്തമാക്കി. എന്നാൽ ഏത് ദിവസമാണ് ഇത് പ്രാബല്യത്തിൽ വരികയെന്ന് ഔദ്യോഗിക അറിയിപ്പ് വന്നിട്ടില്ല. ജിമെയിൽ ഫീച്ചറുകളായ ചാറ്റ്, സ്പെൽ ചെക്കർ, കീബോർഡ് ഷോട്ട്കട്ടുകൾ, റിച്ച് ഫോർമാറ്റിംഗ്. കോൺടാക്ടുകൾ ആഡ് ചെയ്യുന്നതിനുള്ള ഓപ്ഷൻ, ഫ്രംഅഡ്രസ് എന്നിങ്ങനെയുള്ള സംവിധാനങ്ങളും എച്ചടിഎംഎൽ പതിപ്പിൽ ലഭ്യമല്ലെന്നും കമ്പനി വ്യക്തമാക്കി.
ജിമെയിലിന്റെ പഴയ പതിപ്പാണ് ബസിക് എച്ച്ടിഎംഎൽ വ്യൂ. പത്ത് വർഷം മുമ്പ് തന്നെ ഇതിന് പകരമായി പുതിയ പതിപ്പുകൾ പുറത്തിറക്കിയിരുന്നെന്നും ഗൂഗിൾ പറയുന്നു. അടിസ്ഥാന എച്ച്ടിഎംഎൽ പതിപ്പിൽ ജിമെയിലിന്റെ മുഴുവൻ ഫീച്ചറുകളും പ്രവർത്തന ക്ഷമമല്ലെന്നും കമ്പനി വ്യക്തമാക്കി. ക്രോം ഇൻ്സ്പെക്ടസ് നെറ്റ് വർക്കിൽ ജിമെയിലിന്റെ എച്ച്ടിഎംഎൽ പതിപ്പ് ഓപ്പണായി വരുന്നതിന് 1200 മില്ലി സെക്കൻഡ് സമയം ആവശ്യമാണ്. എന്നാൽ സ്റ്റാൻഡേർഡ് പതിപ്പിൽ 700 മില്ലിസെക്കൻഡ് സമയം മാത്രമാണ് എടുക്കുന്നത്.
കണക്ടിവിറ്റി കുറഞ്ഞ സ്ഥലങ്ങളിൽ ഇമെയിലുകൾ പരിശോധിക്കുന്നതിന് ഇത് ഉപകാരപ്രദമാണെന്നും കമ്പനി വാഗ്ദാനം ചെയ്യുന്നു. ഈ വർഷം ഇതിന് പുറമേ ആറോളം സേവനങ്ങൾ ഗൂഗിൾ നിർത്തലാക്കിയിരുന്നു.