ബെംഗളുരു; തമിഴ് നടന് സിദ്ധാര്ത്ഥിനെ സിനിമ പ്രമോഷനിടെ വേദിയില് നിന്ന് ഇറക്കി വിട്ട് പ്രതിഷേധക്കാര്. ചിറ്റാ സിനിമയുടെ പ്രമോഷനുമായി കര്ണാടകയിലെത്തിയപ്പോഴായിരുന്നു അപ്രതീക്ഷിത സംഭവങ്ങള്. നടന് തിയേറ്ററിലെ വേദിയില് ഇരുന്ന് സംസാരിക്കുന്നതിനിടെയാണ് മുദ്രാവാക്യം മുഴക്കി കന്നഡ സംഘടനകളുടെ നേതൃത്വത്തില് പ്രതിഷേധക്കാരെത്തിയത്.
കാവേരി നദീജല പ്രശ്നം രൂക്ഷമായിരിക്കെ ഈ പരിപാടി അനാവശ്യമാണെന്നും നടനോട് ഇവിടെ നിന്ന് പോകണമെന്നും പ്രതിഷേധക്കാര് പറഞ്ഞു. ഏതാനും മിനിറ്റുകള് പുഞ്ചിരിച്ചുകൊണ്ട് ഇരുന്ന നടന് സ്ഥിതി വഷളായതോടെ തിയേറ്റര് വിടുകയായിരുന്നു.എസ്.യു അരുണ് കുമാര് തിരക്കഥ എഴുതി സംവിധാനം ചെയ്ത് സിദ്ധാര്ഥ്, നിമിഷ സജയന് എന്നിവര് പ്രധാന കഥാപാത്രങ്ങളെ അവതരിപ്പിക്കുന്ന ചിത്രമായ ചിറ്റായുടെ പ്രമോഷനാണ് നടന് എത്തിയത്.
സംസ്ഥാനത്തെ പല താലൂക്കുകളും വരള്ച്ചബാധിതമായി പ്രഖ്യാപിച്ചിരിക്കുന്ന സാഹചര്യത്തില് കര്ണാടകയില് നിന്ന് തമിഴ്നാടിന് വെള്ളം വിട്ടുനല്കാനുള്ള കാവേരി ജല മാനേജ്മെന്റ് അതോറിറ്റിയുടെ നിര്ദ്ദേശമാണ് വീണ്ടും തര്ക്കങ്ങള് രൂക്ഷമാക്കിയത്.
തമിഴ്നാടിന് 15 ദിവസത്തേക്ക് 5000 ക്യൂസെക് വീതം അധികജലം വിട്ടുകൊടുക്കണമെന്ന കാവേരി ജല മാനേജ്മെന്റ് അതോറിറ്റി ഉത്തരവില് ഇടപെടാന് കഴിയില്ലെന്ന് സുപ്രീം കോടതി വ്യക്തമാക്കിയിരുന്നു.
കാവേരി നദിജലത്തര്ക്കവുമായി ബന്ധപ്പെട്ട് കര്ണാടകത്തില് ഇന്ന് ബന്ദിന് ആഹ്വാനം ചെയ്തിരിക്കുകയാണ്.ചൊവ്വാഴ്ച ബെംഗളുരു നഗരത്തില് കര്ണാടക ജലസംരക്ഷണസമിതി ആഹ്വാനം ചെയ്ത ബന്ദിന് പുറമെയാണ് സംസ്ഥാനവ്യാപക ബന്ധിനുള്ള ആഹ്വാനം. കാവേരി വിഷയത്തില് നിലപാട് വ്യക്തമാക്കിയില്ലെങ്കില് രജനികാന്തിന്റെ സിനിമകള് നിരോധിക്കുമെന്നും കര്ണാടകയില് പ്രവേശിക്കുന്നത് തടയുമെന്നും സമരത്തിന് നേതൃത്വം നല്കുന്ന വാട്ടാല് നാഗരാജ് പറഞ്ഞു.
BREAKING: #Chiththa actor #Siddharth was FORCED to leave in the middle of a press conference which held at Karnataka. #CauveryIssue | #CauveryWater protestors have suddenly entered the event and asked Siddharth to… pic.twitter.com/6fBcQufuRX
— Manobala Vijayabalan (@ManobalaV) September 28, 2023
“>