യുവാക്കളെ ഏറെ ആകർഷിക്കുന്ന പുതിയ ഫീച്ചറുകളുമായി ഇൻസ്റ്റഗ്രാം. ബർത്ത്ഡേയ്സ്, ഓഡിയോ നോട്ട് സെൽഫി വീഡിയോ നോട്ട്, മൾട്ടിപ്പിൾ സ്റ്റോറീസ് ലിസ്റ്റ് എന്നിങ്ങനെ നിരവധി ഫീച്ചറുകളാണ് അവതതരിപ്പിച്ചിരിക്കുന്നത്. ഇവ എന്തൊക്കെയെന്ന് നോക്കാം…
ബർത്ത് ഡേ ഫീച്ചർ ഉപയോക്താക്കളുടെ ജന്മദിനവുമായി ബന്ധപ്പെടുത്തിയാണ് അവതരിപ്പിച്ചിരിക്കുന്നത്. ഉപയോക്താക്കൾക്ക് അവരുടെ ജന്മദിനത്തിൽ ബർത്ത്ഡേ ഇഫക്ട് ഉപയോഗിക്കാൻ സാധിക്കും. ഇതിലൂടെ ഫോളോവേഴ്സിനെ ജന്മദിനം അറിയിക്കുക എന്നതാണ് ലക്ഷ്യം വെക്കുന്നത്.
നോട്ട് ഫീച്ചറിന് വലിയ സ്വീകാര്യതയാണ് ലഭിച്ചിരിക്കുന്നത്. ഇതിനൊപ്പം ഓഡിയോ സെൽഫി വീഡിയോ നോട്ട് സൗകര്യങ്ങൾ കൂടി അവതരിപ്പിച്ചിരിക്കുകയാണ് ഇൻസ്റ്റഗ്രാം. ശബ്ദം റെക്കോർഡ് ചെയ്ത് പങ്കുവെയ്ക്കാനുള്ള സൗകര്യമാണ് ഇതിലൂടെ ലഭ്യമാക്കിയിരിക്കുന്നത്. സെൽഫി വീഡിയോയും ശബ്ദത്തിനൊപ്പമുള്ള സെൽഫി വീഡിയോയും ഉൾപ്പെടുത്താം എന്നതാണ് പ്രത്യേകത.
മൾട്ടിപ്പിൾ സ്റ്റോറി ലിസ്റ്റ് ആണ് പുതിയതായി അവതരിപ്പിച്ചിരിക്കുന്ന മറ്റൊരു ഫീച്ചർ. സ്റ്റോറികൾ ആരെല്ലാം കാണണം എന്ന് നിശ്ചയിക്കുന്ന സ്റ്റോറി ലിസ്റ്റ് ആണിത്. ഫോളോവേഴ്സിനെ ഓരോ സ്റ്റോറി ലിസ്റ്റ് ആയി വേർതിരിക്കാനും ഇതിന് വ്യത്യസ്ത പേരുകൾ നൽകാനും സാധിക്കും. നിലവിൽ ക്ലോസ് ഫ്രണ്ട്സ് എന്ന ഒരു ലിസ്റ്റ് മാത്രമാണ് ലഭ്യമായിട്ടുള്ളത്. പുതിയ ഫീച്ചർ എത്തുന്നതോടെ തിരഞ്ഞെടുക്കുന്ന ലിസ്റ്റിൽ ഉള്ളവർക്ക് മാത്രമാകും സ്റ്റോറി കാണാൻ സാധിക്കുക.
