വിവിധ വിഷയങ്ങളില് തന്റേതായ നിലപാട് വ്യക്തമാക്കാന് യാതൊരു മടിയുമില്ലാത്ത ക്രിക്കറ്ററാണ് പാകിസ്താന്റെ മുന്താരം ഡാനിഷ് കനേരിയ. ആജ് തക്കുമായി നടത്തിയൊരു അഭിമുഖത്തില് പ്രധാനമന്ത്രി നരേന്ദ്ര മോദിയോടും ബിസിസിഐയോടും
ഒരു അപേക്ഷയുമായി രംഗത്തെത്തിയിരിക്കുകയാണ് താരം.
ഇംഗ്ലീഷ് ക്രിക്കറ്റ് ബോര്ഡ് ഏര്പ്പെടുത്തിയിരിക്കുന്ന വിലക്ക് ഒഴിവാക്കാന് ഇടപെടണമെന്നാണ് ആവശ്യം. 2012-ലാണ് 42-കാരനായ കനേരിയയെ ഇസിബി വിലക്കുന്നത്. വാതുവയ്പ്പില് ഉള്പ്പെട്ടിട്ടുണ്ടെന്ന കാരണം പറഞ്ഞായിരുന്നു വിലക്ക്.
‘ഞാന് പ്രധാനമന്ത്രി നരേന്ദ്ര മോദിയോടും ബിസിസിഐയോടും അഭ്യര്ത്ഥിക്കുന്നു, ഇസിബിയുടെ വിലക്ക് റദ്ദാക്കാന് നിങ്ങള് ഇടപെടണം-കനേരിയ അഭിമുഖത്തില് പറഞ്ഞു. പാകിസ്താന് ലെഗ് സ്പിന്നര് കുറ്റക്കാരനാണെന്ന് ഇസിബി അച്ചടക്ക സമതിയാണ് കണ്ടെത്തിയതും വിലക്കിയതും.